PN Day 2

二零一四年十一月六日     星期四

 

今日又係由老公陪彤彤返學，其實每日返學的安排都係差唔多，先上中文堂，之後就係茶點時間，然後就上英文堂，最後就係玩耍時間~

 

由於今日有少少兩，所以小朋友唔可以出去 Playground 玩，改咗去遊戲室玩~

 

 

 

上完堂，老公就帶彤彤返公公婆婆家沖涼食飯，再等我放工回來一齊食飯同接返彤彤~

 

點知晚上，彤彤就發燒，真係無用豬，返學第 2 日就病倒~

 

由於星期六仲要去 4 間幼稚園面試，所以見佢第二朝雖然已退燒，但都唔比佢返學，再叫公公婆婆帶佢去睇醫生，等佢可以休息好 d ，面試嘅表現都好 d ~

 

但好攪笑地，公公婆婆同我講返，原來彤彤瞓醒晏教，即刻走去拎對白波鞋叫公公幫佢著，之後就行出門口，叫 Daddy (之前 2 日都係老公接佢返學)，原來佢係咁鍾意返學嫁~