K1 大作戰 Round 9 - 北角明慧國際幼稚園

二零一四年十一月八日     星期六

 

食完 Lunch 後，我哋就來到北角，去出席今日的第四場面試 -- 北角明慧國際幼稚園，呢間學校嘅語境好好，除咗英普之外，仲會教埋日文添，所以我哋都好鍾意~

 

面試先由唱遊開始，全個課室內有40 位小朋友，同 2 位外籍老師一齊唱歌跳舞，其實唱嘅歌都係平時返 Playgroup 唱果 d ，我仲諗住彤彤一定會跟住來跳舞添，點知佢竟然無一齊跳，只係企係度睇其他人跳@@

 

之後就安排小朋友入唔同嘅課室進行面試，每 3 位小朋友一組同 1 位老師見面，好唔好彩，同組嘅小朋友係大 B，講嘢有文有路，睇來彤彤都係陪跑的了~

 

老師先同 3 位小朋友 Say Hello，3 位小朋友都有同老師揮手，之後問小朋友叫乜名同幾多歲，除咗彤彤之外，另外 2 位小朋友都答到@@

 

之後老師就拎咗幾樣玩具出來，叫小朋友做比老師睇，3 位小朋友都做到，之後老師問顏色，彤彤無出聲 (其實佢係識的)，另外 2 位都有答到~

 

再叫小朋友做顏色配對，將相同顏色的圈圈，放入同顏色的架入面，其他 2 位小朋友好快就做好，彤彤就玩成得比較慢，同埋要我比提示先完成到，細 B 嘅能力，真係比大 B 差好遠，唉~

 

跟住老師話面試完畢，叫小朋友離開坐位前推返埋張櫈，彤彤無做到，但就有同老師揮手~

 

 

我哋見完老師後，老公仲未出來 (佢係另一間房填問卷)，等了大約 5 分鐘，老公先出來，我哋又傾下彤彤嘅表現，都係覺得應該無行了~