N Class 插班面試 + 辦理註冊手續

二零一四年十一月三日      星期一

 

一直都心大心細，比唔比彤彤返 N 班好? 平時公公婆婆可能真係照顧得彤彤太好，樣樣嘢唔駛點出聲，就有人幫佢安排/處理好，所以佢唔太肯開口講嘢，呢排仲要成日發脾氣，同老公傾過都係覺得比彤彤返下學好 d~ 但彤彤係龍細 B 嘅關係，真係好難先搵到學校有 N 班位比彤彤插班 lor~  (我已經打晒電話去藍田至九龍灣嘅學校問過)

 

同朋友傾開，煩惱緊搵唔到有學校仲有位插班之際，朋友仔話佢囝囝學校因為係新校嘅關係，再加上地點比較吊腳，應該仲有位，叫我試下打電話去問下~

 

電話問了學校，話而家仲有位，大致上應該無問題，叫我哋帶埋彤彤過來見一見校長，由校長決定收唔收彤彤~

 

今日 4:15pm 就來到學校，係教員室等見校長，大約等到 4:45pm 就可以去課室參觀，之後就入課室見校長~

 

 

校長係一位韓國人，但佢識聽同埋講英文，所以我哋全程都係用英文對答，而且面試主要都係同我哋傾，都無乜問過彤彤問題~

 

但彤彤可能見無人問佢嘢，所以佢有點悶呀，就係度係咁同校長講 Bye Bye(其實係佢見到校長後面果窗，出面有好多車經過，佢係度同 d 車 Bye Bye)，仲揮晒手添，真係比佢激 c 呀!~

 

不過好彩校長都好 nice 下，見彤彤係咁同佢 Say Bye Bye 都無乜嘢，仲係度同彤彤講 "It is not the time to say bye bye"，之後又係度撩下彤彤傾下計咁~

 

同校長都係傾下平時邊個照顧彤彤，同埋點解要揀呢間學校 (我同校長講係我朋友介紹的)，之後就傾下而家新一代嘅香港小朋友，自理能力真係好低，佢辦學的目的，除了教知識外，仲想訓練小朋友的自理能力等等~

 

大約傾了 15 分鐘，校長已經話收彤彤，但由於彤彤仲有幾日先夠 2 歲，佢話我哋可以選擇 12 月直接返 N 班，或者由明天開始，返住學校嘅 Playgroup 先，家長可以全程陪小朋友上堂，每日返 2 個鐘，到下個月先正式返 N 班~

 

我哋揀咗後者，一來老公仲未搵到工，有時間可以陪彤彤上堂，兩來有 Daddy 陪住彤彤返學一段時間，可以等彤彤慢慢適應下校園生活~

 

原先想即時辨埋註冊手續的，但由於無帶定 Cheque book 出來，所以明天要再過多來一次了~

 

所以我哋就返咗油塘食飯先，之後就帶彤彤去遊樂場玩一陣先回家~

 

 

 

 

二零一四年十一月四日      星期二

 

今日我特登放早，會合埋老公、彤彤同埋公公婆婆，就去學校幫彤彤註冊，由於公公婆婆遲 d 要帶彤彤返學，所以佢哋都跟埋來睇下~

 

先要墳一大堆 Form，再開咗幾張支票，埋單超過 8千，都真係幾貴啦，彤彤你要比心機讀呀!~

 

夏天校服:

 

 

冬天校服:

 

書包:

 

日用品:

 

之後我哋就臨急臨忙去買白波鞋同埋白色襪~

 

 

 

回家後就同彤彤換上校服，再落街影學生相，同埋做 Label!~

 

 

 

 

 

彤彤大個女喇，明天正式展開校園生活喇，Daddy & Mami 希望你會鍾意返學，同對讀書有興趣!~