3D 恐龍世界 @ Megabox

二零一五年十一月廿日      星期五

之前係 Facebook 見到朋友仔嘅小朋友，坐電動恐龍車，好似好好玩咁，咁就上網睇下係邊度玩啦，原來係响 Megabox，仲要有團購優惠做緊添~ (團購 Link)

由於平日入去玩又少 d 人又平 d，所以我哋就揀咗星期五入去玩，收工就回去公公婆婆家接彤彤，之後就去 Megabox 食飯，然後就上去 9/F 嘅3D 恐龍世界~

由於團買係包了一大一小嘅飛，所以我哋要另外買多張大人飛 (平日$40, 假日$60)，另外團購介送咗隻好大嘅恐龍蛋比我哋添~ (係一隻迷你恐龍嚟的)

入到去就先去影晒 d 3D 恐龍相~



































之後再去排隊坐電動恐龍車 (小電動恐龍車要 3 個代幣，可以玩 5 分鐘)，未輪到彤彤時，可以住係 d 义電中嘅電動恐龍車影下相先~



















大約等咗 10 分鐘度，就輪到彤彤玩喇，由於佢未識控制轉左轉右，所以要由 Daddy 帶住佢玩，彤彤玩得不知幾開心，見佢玩得咁開心，所以我哋就比佢再坐多次~









之後就買多一個代幣 ($10) 去玩埋恐龍充氣瀡滑梯 (2 個代幣可玩 5 分鐘)~

尖沙咀海傍 + 海港城

二零一五年十一月十五日 星期日

聽同事講，誠品係星光行開咗分店，所以今日就出去睇下先，順便去海港城影埋迪士尼嘅聖誕佈置~

我哋先係尖沙咀海傍行下先，今日唔係好熱，仲有 d 海風吹埋嚟，都幾舒服下~









之後就去星光行嘅誠品行下，都算幾大，但當然無 CWB 果間咁大啦，但都幾舒服好行~

行完誠品，就去海港城影下迪士尼嘅聖誕佈置，之後就返去公公婆婆家食飯~