買新校服

 

二零一五年一月十七日      星期六

 

今日老公要幫伴郎做兄弟，所以就由公公婆婆同埋我哋去葵芳做校服~

 

大約 11 點去到校服公司，試完身，就著住件夏天校服裙影學生相，之後就可以離開喇!~

 

呢度一套冬天校服，一件校褸，一件羊毛外套，兩件打底保暖衫，兩件圍裙，承惠 $1020~

 

其實見到套校服，好多人都估到係邊間幼稚園，但為咗保留小小私隱，所以我就唔講係邊間了~

 

之後就同公公婆婆去食飯，揀咗去食上海婆婆~

 

 

 

 

 

 

食飽飽就回家，臨離開商場前，見到新年佈置幾靚，所以就幫公公婆婆同彤彤影咗幾張相，再行去搭車回家~

 

 

 

回家後，彤彤要瞓晏教，我就出去整負離子直髮，真係認咗個頭好耐，終於有時間去整了~

 

Disneyland (20150110)

二零一五年一月十日     星期六

 

今日趁住係最後一日迪士尼嘅港人優惠，用咗一個好低嘅方法做咗銀卡會員，嚟緊一年，會帶住彤彤輪流去玩2個主題樂園 (排隊升級時勁多人，排超過半個鐘先到我哋)~

 

 

好低做銀卡會員嘅方法:
先去 Holiday World 買 2 日 (10/1 或之前入場) 門票 ($517)，之後再係10/1 或之前入迪士尼 upgrade，就可以用港人優惠價 $850 做銀卡，而張 2 日門票係用新價來計算 ($680)，所以只需補回 $170 ($850 - $680) 就可以 upgrade 去銀卡，Total 即係用了 $687 ($517 + $170) 就可以做銀卡了~

 

入場前，先係例位影下相先~

 

 

 

入場後，先去睇動畫，彤彤唔知點解好鍾意睇，一睇就睇咗20分鐘，之後就睇巡遊，第一次睇嘅彤彤(上次因為玩緊小小世界，所以 miss 咗)，係咁不斷手指指，又不時發出開心嘅笑聲~

 

 

 

睇完巡遊，就係小鎮大街行下先，再慢慢行過去城堡果邊~

 

 

 

係城堡前嘅花糟，彤彤突然好有興致咁係度唱歌跳舞~

 

 

 

 

 

 

 

之後就係城堡前自拍一下，同彤彤影親自拍相，佢都有好多鬼馬嘅表情，睇嚟佢都好鍾意玩自拍呢~

 

 

 

 

 

 

玩完自拍，就請迪士尼嘅工作人員幫我哋影返張全家幅~

 

 

 

之後再行過去灰熊山谷，同埋反斗奇兵果邊~

 

 

 

 

 

 

 

 

 

 

 

今日第一次同彤彤玩彈弓狗，玩到第4個圈時，彤彤有少少驚，想 Daddy 抱，但玩完次後又唔驚，想再玩多次，但因為太多人排隊，所以都係下次再玩過啦~

 

 

 

 

 

 

比起幾個月前，彤彤大膽咗，肯自己拖住公仔人物影相，仲擺咗好多唔同 pose 添~

 

 

 

 

 

 

 

原先想坐船睇小小世界，但遇著維修，要23/1先再開返，所以就去玩另一樣彤彤未玩過嘅嘢-飛車。第一次玩，彤彤都有少少驚，坐坐下想企起身攬住我，佐後來又覺得好好玩，ha ha....

 

 

 

 

之後，就去睇光影匯，但彤彤竟然唔太鍾意睇(可能太光，我都覺得麻麻)，仲睇睇下瞓著埋@@

最後，去 shopping 下，仲比我搵到幾件3折特價衫添 (買2件五折；4件三折)~

 

三折後: $77.4

三折後: $77.4

 

三折後: $59.4

 

三折後: $61.8

 

Shopping 完之後，就回家了，我哋連煙花都無睇，費事同人迫~