X'mas Party @ kindergarten

二零一四年十二月十九日      星期五

 

今日特登請了假，陪彤彤返學校開 X'mas Party，但由於學校將上下午班 group 埋一齊攪 Party，所以今日我哋 8:30AM 就出門口~

 

 

 

先去買一個蛋糕 (因為要家長自備一樣食物 - 6 人份量，買蛋糕係方便拎)，之後就去搭巴士返學校，返到去岩岩好 10:00AM~

 

今日要完成 5 樣活動，先可以拎聖誕禮物，我見唔係好多人，就快手完成咗 4 樣活動先，分別係 DIY X'mas Sock、拋波波、砌聖誕老人併圖，同埋係波波池度搵返聖誕老人張相出嚟~

 

 

 

 

 

 

 

 

 

 

由於最後一樣活動 - Face Painting 太多人，所以我帶彤彤出去大堂影下相先，等少人 d 先再去排隊~

 

 

 

 

 

影完相，Face Painitng 條隊都仲係好多人，唯有照去排啦，等咗差唔多 20 分鐘先輛到彤彤~

 

 

 

彤彤: 我嘅聖誕老鼠造型夠唔夠嬌俏呀？

 

 

集齊 5 個活動嘅印仔，就可以去換禮物，不過我打算臨走先去換，因為一個人要抱住彤彤，又要拎住 d 嘢唔係太方便~

 

原先諗住去拎少少嘢食比彤彤的，但真係太多人圍住果幾張放食物嘅枱，有部份家長好似怕蝕底咁，圍實張枱，拎到成碟都裝滿食物，都仲要繼續拎，唔肯讓開比下一個人拎，所以我抱住彤彤，基本上係迫唔到入去的，但彤彤見到人哋有嘢食，又心急想食，不斷係度扭計，要我拎比佢食，攪到我真係好狼狽 (回家後我同老公講，下一次再有學校嘅活動，佢都一定要出席埋，我一個人攪唔掂)

 

當人潮散去，我又搵到個位比彤彤坐，我就去拎咗少少剩餘嘅食物比彤彤，食完嘢就去換聖誕禮物，仲可以同聖誕老人影相添~

 

 

之後我哋就去搵彤彤嘅老師影下相~

 

 

 

 

 

之後就搭車回家，彤彤一上車就瞓咗，又遇上塞車，攪到用咗個半鐘先返到屋企，彤彤就返到屋企先瞓醒，我就好辛苦咁抱足個半鐘，真係手都斷呀~

 

呢份係彤彤一位同學仔送比佢嘅小禮物!~

 

呢份係彤彤學校送比佢嘅小禮物!~