彤彤兩歲生日快樂!~

二零一四年十一月十日     星期一

 

時光飛逝，轉眼間彤彤就由一個水壺大小的 BB，變成一個 2 歲的小娃兒。開始有自己的思想同諗法，開始識表達，開始識同其他人溝通。

 

Daddy & Mami 見住你一天一天長大，由初初的懞懞懂懂，到而家活活潑潑，真係好開心~

祝彤彤兩歲生日快樂，要快高長大，健健康康，聰明伶俐，最重要係改善下你嘅脾氣，快點告別 Trouble Two，同埋考到心儀嘅幼稚園喔!

 

 

 

 

 

 

Kowloon Park Playground + Habour City Xmas 2014 Decoration

二零一四年十一月九日     星期日

 

今日唔需要出席幼稚園嘅面試，所以就想彤彤去公園玩下，但由屋企張子母床嘅子床爛咗，所以我哋就先去九龍灣訂造返張床先，呢 2 個星期就辛苦老公要瞓 sofa 喇!~

 

訂完床，就去德福食飯先，再出噴水池坐下 hea 下先~

 

 

 

 

之後我哋就搭車出尖沙咀，因為彤彤瞓咗，我哋就先去美麗華商場樓下嘅商務睇下書先，等佢瞓醒先去九龍公園個 Playground 玩~

 

 

彤彤瞓咗一個鐘度就醒了，我哋就帶佢過對面嘅九龍公園 Playground，等佢可以玩下放下電，睇下佢玩得幾開心~

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

玩咗一個鐘有多，我哋見天開始黑話走喇，彤彤都唔肯，結果都要比佢玩多 5 分鐘，先好唔情願咁離開~

 

之後我哋行咗過海港城果邊，行咗陣反斗城，再食埋飯，就出去碼頭果邊影下相，之後就回家了~