Lego 展 @ LCX

二零一五年八月廿三日     星期日

由於彤彤尋晚半夜突然發高燒 (39.2度)，又唔肯飲奶，所以今早就出去法國醫院睇蔡醫生，連畫畫班都無上到，好彩有得補堂~

9 點半，老公先出去攞籌，我再帶彤彤出嚟，其實當時彤彤已退晒燒，但見到尋晚半夜發咁高燒，又唔肯飲奶，穩鎮 d 都係帶佢睇一睇醫生好 d~

蔡醫生話彤彤喉嚨發炎，所以發高燒同埋唔肯飲奶 (因為痛掛)，仲有小小傷風，不過唔係好緊要，食咗藥應該好快無事~

我哋見彤彤都好好精神，所以就帶佢出去 LCX 睇下 Lego 展，彤彤睇到唔捨得走呀!~ (佢真係好鍾意 d Lego)













睇完 Lego 展，我哋就行返出去搭巴士回家，等彤彤可以休息多 d~

言語表達課程第六堂 + 新都會廣場 + 青衣城 + Elements

二零一五年八月廿二日      星期六

連續 2 星期都無帶彤彤過去上言語表達課程，唔知佢有無落後於其他人呢?~

今日好準時就到達，但上一班學生仲未落堂，而 d 家長又塞實晒個 reception，所以我哋唯有係門外等，好彩彤彤自己入去拎咗本書出嚟，一邊睇書一邊等入去~











等咗大約 10 分鐘，就可以入去，之後我同老公就去食 lunch 先，之後再接返彤彤~

今日老師同我講，彤彤大致上跟到佢教講嘅句子，對答都 ok ，只係有時要提下佢水，佢先識答，但因為彤彤仲係細，以未夠 3 歲嚟講，已經算 OK~

不過老師話，彤彤有少少分唔清你同我嘅分別，佢教我哋回家後，可以一邊教彤彤邊個係"我"，一邊拍自己心口；而教"你"，就指住對方，等彤彤明白，你同我嘅分別~

之前係 Facebook 見到朋友仔 d 相，知道青衣城有怪獸手錶佈置，同埋有大電視不斷播放怪獸手錶健身操，比小朋友跟住一齊跳，所以就諗住今日帶彤彤過去潮下聖先~ (因為彤彤好鍾意跳舞嫁~)

我哋先搭巴士過去葵芳，再轉港鐵入青衣~

去到葵芳時，老公話係度順便行一陣街先再搭港鐵，所以係新都會廣場都行咗成個鐘，仲影咗一陣相添~

今日彤彤好有雅致影相呀，仲不斷擺 pose 比我影，大部份都好合作，有望鏡頭嫁~ (唔知做乜今日成日整 Happy Face 嚟影相)































影完相，我哋就去搭港鐵過青衣喇~

果然不出我所料，彤彤見到有個大電視不斷播放怪獸手錶健身操，就即係拉我行埋去，仲自己行入小朋友堆當中，一齊跟住跳~

大約睇咗 3 次度，彤彤已經初步掌握到 d 舞步係點跳，仲跳得好開心添~



























跳咗 20 分鐘到，有職員出嚟清場，仲即時派籌，可以同舞蹈員一齊跳添，所以我哋即時幫彤彤拎咗張籌 (每場得 60 個名額，一日得 2 場咋)~

找咗籌，就可以排隊入場，仲有一頂怪獸手錶帽比小朋友戴住一齊跳舞添~ 



有 4 位舞蹈員教小朋友一齊跳~





彤彤話好鍾意頂帽呀，之後行街都要戴住~









一場嚟到，除咗跳舞，當然要影下相同行下街啦~



















之後我哋就搭返港鐵去九龍站，再轉巴士回家，途經 Elements，見又有 d 影相位，所以又影下相先去搭巴士~