28 個月 の 突然開竅 ?!

28 個月大嘅彤彤，係轉咗新學校之後，好似突然開竅咁，突然識講多咗好多嘢，仲識唱唔同嘅歌添，所以一定要寫返篇 blog 記低先得~

 

話說 2 月頭嘅時候，彤彤轉咗新學校，其實果時無諗過新學校真係咁好的，當時只係希望係度讀 PN，就大 d 機會有位比彤彤係度直升 K1，因為我真係好想彤彤可以係一間近屋企，而課程又比較深同埋谷嘅非學卷學校度讀幼稚園~

 

大約係新學校返了 2 星期度，彤彤就開始講多咗嘢，雖然仲有好多外星話，但起碼可以聽得明 5 成以上，而且仲開始自己係度唱歌添~

 

 

見佢開始多咗講嘢，咁岩又遇著新年假期，我係放假果幾日，除了日日陪彤彤玩之外，仲成日同佢講多 d 嘢，又教下佢多 d 生字咁，當然有教佢講恭喜發財同埋身體健康啦~

 

 

放完新年假，再返多差不多一個月學，而家差唔多成首歌都可以唱到晒出嚟，又時問返佢學校嘅嘢，都講到小小比我哋知，真係同之前好唔同。

 

仲有就係，近排同我哋講嘢，仲識得駁嘴添，我哋話佢曳曳，仲識得話彤彤乖乖@@

 

而家識唱嘅歌有：ABC Song, Twinkle Twinkle Little Star, The Wheel on the Bus, 仲有幾首巧虎入面嘅國語歌，當然仲有學校教嘅歌啦~ (除咗唱歌之外，仲會配合埋歌詞做埋動作嫁)

 

 

 

而近排學識嘅中文字有：何、人、上、下、日、左、右、天，仲有佢自己個名~

 

而近排學識嘅物品/事物有：Hippo、Lion、兔兔、Fish (魚魚)、Zebra(斑馬)、Tree、Flower (花花)、Swing、Juice、Ink(墨水)、Food (食物)、Telephone (電話)、Book (書)、Bus (巴士)、Taxi (的士)、小巴、Tram、Ship(船)、Ferry、Train、Aeroplane (飛機)、Lamp (燈)、Umbrella，等等~

長洲半天遊

二零一五年三月廿二日     星期日

 

今日天氣好好，唔太熱又有少少風，所以就諗住去離島行下，我哋揀咗去長洲，因為都差唔多一年無行過了~

 

但去到碼頭，入埋閘就有小小後悔了，今日都唔係什麼特別節日，但碼頭竟然勁多人，上到船亦都坐都滿晒~

 

 

 

坐咗大約45 分鐘就到喇，去得長洲，當然要食下地道嘅大魚蛋同埋炸雪糕啦，連彤彤都有份食~

 

 

 

 

 

 

 

 

之後就四圍行下，沿住海邊一路行去關帝廟~

 

 

沿路有好多海鮮賣，彤彤要 Daddy 抱住佢睇~

 

 

 

之後再行返去沙灘果邊，反而呢度無乜人 wor~

 

 

 

 

 

 

 

 

 

 

 

 

 

見到有個遊樂場，就比彤彤係度玩下放下電啦~

 

 

 

 

 

 

 

 

 

 

 

 

 

 

 

 

玩咗半個鐘度，又比彤彤食咗小小嘢，之後再去行下街先~

 

 

 

 

 

老公頂唔順咁多人，充話想快 d 搭船走，估唔到等待出返中環嘅人超多，我哋唔想同人迫，所以就買咗豪華位，起碼坐得舒服 d 嘛~

 

彤彤全程都無瞓到，仲不斷同我傾計同唱歌添~

 

 

 

花卉展 2015

二零一五年三月廿一日     星期六

 

今日老公要返工，所以早上只得我同彤彤在家，我哋瞓到差唔多 11 點先起床~

 

之後就準備搭車過維園會合老公，一齊去睇花卉展~

 

 

 

一入到場，當然把握時間，快手同彤彤影多 d 相先啦，因為要趁住彤彤仲係好精神嘅狀態下，先可以影到佢，之後佢應該就會扭眼瞓~

 

 

 

 

 

 

 

 

 

Happy Face!~

 

前一秒仲係 Happy Face，下一秒已經變咗皺晒眉?!

 

 

 

原先諗住順住一行行咁行同埋影相的，大約影咗半個鐘之後，彤彤就開始唔耐煩，又有 d 熱，所以有少少扭計~

 

 

 

但我哋氹下佢又無乜嘢，所以要改變計劃，同彤彤影咗大型展品先~

 

 

 

 

 

 

 

 

呢排成日都扮花花，應該係學校教的~

 

 

 

每年鬱金香都係多人影的，但今年真係勁多 lor，多到插針都插唔到入去影，所以我求其舉高手影咗張就算了~ 

 

 

 

 

 

 

 

 

 

 

 

 

 

 

彤彤又開始忟忟地，有少少皺眉喇，要再快手少少，影多 d 相先得~

 

 

 

 

 

 

 

見唔見到彤彤對眼越嚟越細呀，佢應該好快就要瞓嫁喇!~

 

 

 

 

 

 

 

影埋下面呢幾張相，我哋叫彤彤起身，佢唔肯，仲發晒脾氣，張佢抱上 BB 車，直情發咗癲咁係咁典，仲不斷話要打打 Daddy、打打 Mami，攪到我哋好尷尬~ 

 

 

 

 

 

最後我哋屈服，抱住佢，希望佢可以瞓著，但老公抱咗成 10 分鐘，佢都唔肯瞓，仲係咁喊，都係要我抱返，再一路唱歌氹佢先得，大約5 分鐘就瞓著 lu，再抱多 5 分鐘等佢瞓林 d 就放返落 BB 車~

 

 

到彤彤瞓著後，我哋都已經無晒氣力了，加上今年花卉展嘅花無乜特別，可能比往來仲差少少添，所以我哋都係快手影下花就離場~

 

 

 

 

 

 

 

 

 

 

 

 

 

 

 

 

 

 

 

 

 

離場後，見到 6 點了，趁彤彤瞓咗，就行去皇室堡食埋晚飯先~

 

 

 

 

 

點知食到一半，彤彤醒咗，仲話肚餓，所以就叫咗份兒童餐比佢食，食飽就搭車回家~