Elements + 新都城中心 + 團年飯

二零一五年二月十八日      星期三

 

離開迪士尼，就快快手搭港鐵去九龍站先，果時大約 5:00PM，都已經好多人搭車走喇，可能大家都係趕住去食團年飯呢~

 

去到九龍站，我哋要經 Elements 先可以行去巴士站，呢個時侯，彤彤瞓醒了，仲指住 d 新年佈置，所以就快手影埋先去搭巴士啦~

 

 

 

 

 

 

 

 

 

 

 

 

 

 

 

 

 

 

 

 

 

影完相，就去搭巴士回家，各自沖涼洗頭換衫，就再搭車去將軍澳，同老爺奶奶食團年飯~

 

 

 

 

 

 

 

 

 

 

 

食飽飽後，一家大細就係新都城行下街，彤彤就同表哥仔係度玩下 d 風車，互相追逐下咁~

 

 

 

 

 

 

 

 

之後再影下相~

 

 

 

 

 

 

 

 

 

 

 

 

 

 

 

老爺奶幼同細姑仔就回家先，而大姑仔一家就要去隔離商場買嘢，而我哋就去行將軍澳花市~

 

行到過去寶康公園附近，已經見到好多人下，初時以為只係入口位多人，先要分批入去，所以我哋都繼續排隊啦~

 

 

 

點知行咗入人堆中，就再行唔返出嚟，因為真係太多人了，好難再逆流而上，變咗焗行~

 

 

就係排隊等入場，都排咗差不多一個鐘，入到去仲要係一個勁細勁無人嘢行嘅花市，我哋下年一家唔會再嚟呢個花市~

 

行完花市，彤彤都未瞓醒，見 d 波波又唔係貴，所以又買多 2 個 ($50 兩個)比彤彤，之後就搭的士回家，彤彤返到屋企先瞓醒，見到又多咗 2 個新波波，不知幾開心呀~

 

 

 

之前係花市買嘅風信子，岩岩趕得切，係大年初一嘅零晨開花，祝大家花開富貴呀~