2015 羊年大年初一

二零一五年二月十九日     星期四

 

今日係羊年大年初一，在此祝各位新年快樂，身體健康，萬事如意，生活愉快!!!

 

今朝一早就要起床，因為今日嘅行程好緊密啦~

 

未夠 12 點，我哋就換好晒衫，準備出發啦~

 

(設計對白 - 彤彤: 我準備好出發喇!~)

 

第一站先到公公婆婆家拜年，坐一陣就要出發去第二站，等係去爺爺嫲嫲家拜年兼食午飯~

 

食飽後，就同爺爺嫲嫲傾一陣計同玩一陣，就要再出發去第三站~

 

第三站係去二叔二嬸家，會合返公公婆婆 (團拜)，長輩們就打麻雀，而我就陪囡囡玩，又陪彤彤睇下巧虎~

 

食飽飯後，長輩們繼續竹戰，彤彤想瞓但又想睇巧虎，所以唯有扒係度睇，我哋收起部機唔比佢睇，佢又發晒脾氣，所以唯有照比佢睇啦~

 

而我哋就等埋公公竹戰完畢，由堂姐夫揸車送我哋回家~