台灣巧連智 (巧虎) + ABC Bubble

認識巧虎呢個人物，係响一個小朋友的活動中認識的，之後都有上網睇下點解咁受小朋友歡迎~

 

上網了解過後，再上 Youtube 開一 d 巧虎教英文的 Video (ABC Bubble) 比彤彤睇下，估唔到彤彤好鍾意睇，又留心睇，晚晚回家後都叫我開「虎虎」比佢睇，又好快就學識片中教的英文字~

 

見到彤彤咁有心機學，我都已經想買一套正式版比彤彤 (因為正式版係有埋書同埋教材的)，所以就再上網睇下點樣可以訂到，同埋點樣訂先係最平~

 

後來睇到 Baby Kingdom，知道原來有分香港版 / 台灣版 / 大陸版 / 日本版，同埋巧虎主要係教小朋友的自理能力，而我之前比彤彤睇嘅 ABC Bubble，係教小朋友英文同埋 Phonic ，但只有台灣版先有出埋英語期刊~

 

較多香港媽媽會選擇訂香港版 / 台灣版，彤彤而家 2 歲大，應該要買 2-3 歲果個階段的教材(幼幼版)，所以就去比較下 2 個版本嘅分別:

 

2014 - 2015 年度，香港版巧虎：

 

2014 - 2015 年度，台灣版巧虎：

 

好老實，香港版同埋台灣版嘅內容都係大同小異，但聽 Baby Kingdom 的媽咪講，香港版其實係將台灣版配成廣東口話，但裡面嘅歌，唱成廣東話後係好難聽的，未必人人都接受到，相反台灣版因為 d 歌係用國話發音來填詞的，所以唱起上來，全部都好岩音，唔會覺得難聽~ 再加上，台灣版可以順便學埋國語，性價比好似高點~

 

另外，就係費用方面，香港版一年 12 期係 $2380，而台灣版連埋運費一年 12 期係大約 $1950 度(NT$4800 + NT2712 運費)，如果有台灣嘅朋友幫手收件，再轉寄來香港運費應該會更平~

 

至於 ABC Bubble 英語期刊，原來只有台灣版有出的，其他國家嘅版本係無嫁，而 ABC Bubble 就分咗 3 個階段的：Hello 版 / Start 版 / Jamp 版，而彤彤之前係 Youtube 睇開嘅係 Start 版，所以我都係打算訂返 Start 版比彤彤，因為 Hello 版教嘅嘢太少，亦都比較淺，而 Jump 版應該比較適合 4 歲以上~

 

ABC Bubble Start 版全套內容如下：

http://www.benesse.com.tw/abc/start5.html

 

費用方面，全套 12 期係大約 $1650 度(NT$3600 + NT2712 運費)，如果有台灣嘅朋友幫手收件，再轉寄來香港運費應該會更平~

 

決定好方向去台灣版嘅網站 Download 張海外訂閱表格先，填好資料後，就 email 比客服，一般要等 1-2 個工作天，等客服人員回覆 email 確認資料，再等 3 個工作天銀行過數，過數後，預計 10 個工作天就可以收到第一期嘅書，但我發配唔駛咁耐嫁，我哋只係等了 3-4 日就已經送到上門喇，真係好高效率呀~

 

分享下收到的教材先，ABC Bubble Start 版 (我哋落單時要求全套一次過送貨)，有 12 隻 DVD + 12 本書 + 4 隻音樂 CD + 1X 套玩具教材，每隻 DVD 及每本書都有一個主題的~

 

 

 

 

同日仲收到巧連智幼幼版嘅 9 月號同 10 月號嘅教材，因為我哋係 10 月頭落單的，所以會補運送 9 月號同 10 月號嘅教材比我哋：

 

 

 

過多幾日，又收到另一份小禮物(同時訂閱巧智連同埋 ABC Bubble Start 送的)：

 

 

到 10 月尾時，已經收到巧連智 11 月號喇，辦事效率真係高: