K1 大作戰 Round 7 - 協恩中學附屬幼稚園

二零一四年十一月八日     星期六

 

等咗 10 分鐘終於都截到的士，點知去到下一間學校附近竟然塞車，真係激 c !!!

 

到達下一站 -- 協恩中學附屬幼稚園，已經比原定時間遲了 10 分鐘，仲落住毛毛細雨，落車的位置同學校的入口有一小後距離，唯有抱住彤彤快步行過去，好彩學校都比我哋入~

 

報名呢間學校，真係有少少越級挑戰，因為幾千人報名，只係收 60 人咋，仲要係小朋友獨自入課室面試，家長唔可以陪，所以我當係比彤彤去見識下，無抱住任何希望~

 

先去排隊拎籌，之後就排隊等帶到面試嘅課室門口，再係課室門口等入去，門口有義工家長同等候嘅小朋友唱歌，等小朋友唔好咁緊張~

 

每組有 6 位小朋友，其中最大果位小朋友一入課室就喊住出返來，所以得返 5 位小朋友入去，而彤彤係第一個入去的，我見佢好快就行到最入開始玩玩具，之後老師就關門，我同其他家長就要係門外等 1 分鐘，如果小朋友喊就會出返來，如果 1 分鐘內無小朋友出返來，家長們就要行去課室的另一邊出口(都要行成 2-3 分鐘先行到過去)，等小朋友出來接返佢哋等候期間，家長們都有傾下計，原來我哋呢 Group 小朋友，包括埋彤彤，有4 個都係細 B 來的)，我哋係課室的另一邊出口等咗唔夠 2 分鐘，小朋友就出返來了，先有一位小朋友喊出來，其餘 4 位都無喊，彤彤仲有小小笑容添，唔知彤彤係唔係玩得好開心呢?!

 

 

接返彤彤之後，就同老公會合，我哋都覺得彤彤自己入課室同其他的小朋友一齊面試，出返來無喊仲笑笑口，全程無喊出返來，無論結果係點，Daddy & Mami 已經覺得你好叻叻嫁喇！~

 

 

出返來又要截的士，趕去下一間幼稚園面試~