Shopping @ 荃灣 Aeon & 一田

二零一四年十一月廿三日      星期日

 

由於尋日買唔到太多嘢，加上又未買到白波鞋比彤彤，所以今日又去另一間一田掃貨，原先諗住去大埔的，但諗諗下都係去荃灣好 d，因為就算係一田買唔到白波鞋，都仲有 Aeon 可以睇下嘛 (Aeon 又做緊吉日減價)~

 

由於去荃灣都幾遠，我哋又唔想搭港鐵無位坐，所以就搭巴士啦~

 

 

去到荃灣，先去Delifrance 食個 Tea 先，彤彤好蠱惑，知我哋食嘢，成枝奶唔飲，留定肚食嘢，結果佢一個人就食晒成碗迷你意粉 (係一個成人嘅 tea set 份量) @@

 

之後就行下奇趣天地先，又怪獸公司嘅主角係度，當然要影下相啦~

 

 

 

 

 

 

之後就去行下 Aeon，老公話要去洗手間，我同彤彤就坐係 d 櫈度等，突然彤彤係咁篤個面珠扮 cute ，我即刻拎部手機出來同佢玩下自拍啦~

 

 

 

白波鞋係 Aeon 已經睇岩咗，所以都唔理買咗先，因為今日係吉日，仲有多個 8 折呀，我估一田都無咁平呀~

 

 

之後我哋行埋過去西鐵站果邊嘅一田，今日比我見到有呢架紅色玩具車賣喇(沙田賣晒)，所以即買啦，仲買多部送比表哥仔添~

 

 

行完一田，我哋又行埋隔離嘅 Aeon，但都無乜嘢岩了，臨走時見到有 Kitty，就幫彤彤影了幾張相就回家了~

 

 

Shopping @ 沙田一田

二零一四年十一月廿二日      星期六

 

面完試後，我哋就搭巴士入沙田一田掃貨(原先想去大埔果間的，但果個位無巴士去大埔)~

 

一入去已經見到勁多人，所以我叫老公帶埋彤彤去樓下餐廳等位先，我自己一個入去睇下有乜平嘢，一個人行事方便好多啦~

 

大約行咗一個鐘度，掃咗少少嘢就去會合返老公同彤彤，一齊食飯~

 

 

 

 

 

由一田果邊行返過去沙田港鐵站，經過連城廣場，見有 d 嘢影，又影下先~

 

 

 

 

之後就搭返 88X 回家，20 分鐘就返到，真係爽~

K1 大作戰 Round 13 - 香港創價幼稚園

二零一四年十一月廿二日      星期六

 

返完 Playgroup 之後，我哋又要搭車出返來九龍塘，因為下午仲有一個面試要出席 -- 香港創價幼稚園，聞說連劉德華都有幫佢嘅囡囡報了呢間幼稚園，仲被安排係星期四果日面試，而劉生仲親自帶囡囡出席面試添~

 

呢間幼稚園有乜好? 一來有學卷，兩來辨學團體係日本嘅佛教團體，教育小朋友好似日本小朋友咁乖巧，仲會訓練/啟發小朋友嘅思考同創作力，所以每年都有幾千人報讀，但學位只得 180 個，所以競爭都好大，當比彤彤見識下 lor~

 

 

入到去，先去指定嘅課室門外報到，但由於我哋早了半個鐘來到，老師都預唔到仲有幾多先到我哋(因為要見到前面時段嘅申請人先)，所以叫我哋先上樓上 Playground 玩下先，到 4:30PM 再落來睇下仲有幾多人先到我哋~

 

 

 

 

 

 

 

 

 

 

 

 

 

 

 

 

 

 

 

4:25 PM 我哋就落返樓下，去返指定課室門外再一次報到，老師話前面仲有 4 位小朋友，先輪到彤彤，所以仲要等多一陣，我哋就比彤彤係度四圍行下~

 

 

 

大約等到 4:45PM 就輪到彤彤入課室面試，彤彤先同 2 位老師揮手 Say Hi~

 

之後老師就比咗塊手抓板比彤彤玩，彤彤一路玩時，老師就問我哋問題:

 

1) 如果無 AM，PM 考唔考慮? (當然 Say Yes 啦)

2) 彤彤有什麼優點? (我答: 主動、熱情、開朗)

3) 用什麼標準/準則去為彤彤揀一間適合嘅幼稚園? (我答: 我唔想揀一 d 太谷嘅幼稚園，咁樣彤彤就會失去咗一個快樂嘅童年)

 

答完呢 3 條問題後，彤彤都併好晒 d 手抓板了，老師就拎咗一張圖畫出來，彤彤答：書、Green、Orange (因為有 d 玩具係呢 2 隻色)、車 (再配埋聲 wu wu)~

 

之後老師就話面試完畢，叫我哋返去等消息，臨走時，彤彤仲同老師揮手講 Bye Bye，我再叫佢推埋張櫈，佢都有返轉頭來做~

 

面完試後出返來，我哋都覺得學校似揀家長多過揀小朋友，而且又咁多人考，所以應該都無乜機會的了~

9th Lesson @ Bizzi Kids

二零一四年十一月廿二日     星期六

 

今日遲咗 5 分鐘先來到 Bizzi Kids，今日係最後一堂了，因為彤彤已經開始返 N 班，所以都唔打算再比佢返 Saturday Playgroup 喇，因為一星期返 6 日學都幾辛苦嫁~

 

先來 10 分鐘的 warm-up time，之後就正式上堂喇!~

 

 

 

 

 

 

 

 

 

 

 

 

Ms Shona 同小朋友一齊唱 Good Afternoon Song, Hello Hello Song, Days of the Week, How's the weather, Shake Shake Shake, The wheel on the bus, ABC Song 等，之後 Ms Shona 教小朋友唔同嘅交通工具，再同小朋友一齊為交通工具填顏色~

 

 

最後就係 Story Time，今日彤彤又係坐得幾定係度聽故仔，返咗學之後，真係大個女咗，又進步咗~

 

去到尾聲，Ms Shona 就帶領小朋友們唱 Bye Bye Song，同埋吹 d Bubble 比小朋友玩~