二零一三年十二月廿五日 星期三
今日瞓醒嘅時候已經差唔多 11 點了，起床後餵奶，再同彤彤沖涼，攪到差唔多 1 點先攪掂，準備出門口，點知彤彤扭眼瞓，所以我就陪佢瞓啦，結果係大家一齊瞓到4 點先起身，ha ha.....
由於時間都唔早，又唔想同好多人一齊迫，所以我哋揀咗去黃埔，起碼有間 Aeon 可以行下街，果度又多嘢食，應該唔駛點等位掛~
但原來我嘅諗法係錯的，平時唔太多人嘅黃埔，今日竟然有少少迫，仲要好多地方都要排隊等位~
最後我哋揀咗食牛涮鍋，由 6:40PM 開始等位，等到 7:50PM 先有位，真係企到腳都攰埋，好彩等位期間，彤彤瞓咗咋，唔係又會扭計(因為架 BB 車停係度唔郁，佢覺得悶)， 到時就煩了~
好耐無去呢間食了，都仲保持到水準，醬油、湯底同食物全部都好得，yummy~
食飽飽之後，我哋就去咗玩具反斗城，因為我哋想買一份聖誕節禮物比彤彤，當然比我哋買到一份岩心水嘅禮物啦~ (至於買咗乜，一陣先開估)
之後我哋就去行下 Aeon，再係附近行下，影下相咁，點知老公撞到佢個舊同學一家，世界真細小，ha ha....
影完相，我哋就搭車回家了，沖晒涼後都攪到 12 點有多了，踏入 Boxing Day，當然係拎份禮品出來比彤彤拆啦~
彤彤：乜嘢嚟嫁?
彤彤: 等拆來睇下先~
彤彤: 原來係一套鼓來的，Daddy & Mami 真係知我心意，多謝晒!~ (因為彤彤近排好鍾意拍打 d 嘢，所以我哋估佢應該會鍾意打鼓)
拆完禮物，緊係要即刻試玩下先啦，彤彤打鼓打得有板有眼嫁~
沒有留言:
張貼留言