元旦日 2014 + 兒童遊戲室 + J-plus 兒童遊樂場

二零一四年一月一日     星期三

 

今日係新一年的開始，祝我哋大家新年快樂，身體健康~

 

特別祝老公係新一年搵到一份好工，工作順利~ 亦都祝彤彤快高長大、聰明伶俐、聽教聽話~

 

今日帶咗彤彤去屋企附近，康文處嘅兒童遊戲室，等佢可以係安全嘅環境下，試下企同埋行~

 

 

起初彤彤都唔係好夠膽企行身玩的，都只係爬爬下，或者係坐係度，warm-up 後佢就肯企係度玩了，仲玩得好開心添~

 

 

 

 

 

 

 

 

 

 

 

大約玩咗一個鐘度，我哋就離開了，一來開始人多，二來我哋仲未食 lunch，所以我哋就行過去油塘果邊食嘢了~

 

係我哋行過去油塘嘅途中，彤彤就瞓著咗了，直至到我哋食完 lunch~

 

我哋都諗唔到之後去邊好，老公就提議同彤彤去 Playhouse 玩波波池，所以我哋就揀咗去 J-plus 喇!~

 

有得玩波波池，彤彤梗係開心啦，仲四周圍爬來爬去添，但果度真係比較多人，我哋都要小心睇實彤彤先得，免得佢比其他小朋友撞到~

 

 

 

 

 

 

 

 

 

 

除咗波波池之外，仲有鞦韆坐，同埋好多唔同款嘅車車~

 

 

 

 

 

 

 

 

 

 

 

 

到咗大約 6 點時，有個音樂小天使嘅遊戲，我哋幫盼盼報咗名，可以同姐姐一齊唱歌件奏的，彤彤仲玩得有板有眼添~ (連自己企咗係度好耐都唔記得，全程都無坐低到)

 

 

 

 

 

 

 

大約玩到 6:45PM，我哋就離開了，雖然我哋買咗全日任玩 2 大人 1 小朋友嘅飛，只係玩得 3 個幾鐘，好似好唔低，但彤彤都開始攰，所以我哋打算食埋飯就回家~

 

一如所料，彤彤飲咗奶，就以 9 秒 9 嘅速度瞓著咗~

 

 

而我哋就去咗 Euro Go Go 食飯，之後就回家了~