第二次到 Soha Studio 影相

二零一三年十二月廿七日     星期五

 

由於我同老公都一早拎定呢日假期，所以我哋可以連放 5 日假，咁岩又見到 Soha Studio 做 promote，平日影相只係 $500，仲包4 個造型同埋所有相的 file，所以即時打電話去問 27/12 有無位影，好好彩仲有一個當日最早嘅 Booking 時段(11:00AM)，所以即時 confirm~

 

今日 11 點我哋就到達了，一入門口，又係上次果位攝影師哥哥招呼我哋，今次佢哋搬咗新 studio(荔枝角)，地方大咗好多呀，仲多咗好多造型同佈景添~

 

攝影師哥哥先比部 iPad 比我哋揀造型先，我哋揀咗家庭照、米奇老鼠、和風同埋 Pink Laby~

 

先影家庭照，都係好似上次，擺出唔同嘅 pose，彤彤影得好開心 (因為其中有 d  pose 係要拋起佢的)~

 

之後到影米奇老鼠同和風，彤彤係咁撲埋去個佈景度，又周圍爬，又坐唔定，真係好難影得到，好彩攝影師出到絕招 -- 星星餅，佢先肯坐定定，笑住咁比人影咋~

 

最後一個造型 -- Pink Lady，彤彤都尚算合作，因為有部小鋼琴比佢玩，佢仲玩得好開心添~

 

全個過程大約影咗 90 分鐘度，但今日無得拎相住，因為要執相先，所以要等 2 星期先可以上來拎相，或加 $10 寄比我哋，我哋當然揀寄啦~

 

之後我哋行咗過去 Aeon 行街，呢間我都係第一次來，好大間，人又少，好好行~

 

 

 

 

行完 Aeon 就去食返個 Tea 先，今日揀咗食越南嘢~

 

 

 

食飽飽後，就回家了，因為真係有點累，不如早點回家休息好過~