BB 小食

係 iherb 訂比彤彤嘅小食，星期五下午先落單，星期一晚上就收到了，呢度 16 樣嘢，計埋運費都唔駛 $460,真係平過係香港買好多~

 

懶豬豬

二零一零年一月廿八日　　　　　星期二

 

今日又再次比彤彤用學習杯來飲奶，今次試下唔抱住佢，等佢自己坐係 BB 床自己拎住來飲，初時佢都自己拎住來飲的，點知飲飲下就變成烏低身飲，真係懶豬豬呀!~

 

 

究竟乜嘢令彤彤咁開心呢?

 

 

 

咪就係之前行維園花市買嘅氫氣球 lor，比彤彤解甩咗條繩，個氫氣球飄咗上天花板，佢見個氫氣球飄飄下，就笑得勁開心!~

團年飯 2014

二零一四年一月廿八日     星期二

 

今晚同我父母一齊食團年飯，又係去海港食，可以多人食團年飯嘅關係，可以叫嘅菜式選擇唔多，平時食開嘅都無得叫，而且仲加晒價添~

 

 

我哋係度食團年飯，彤彤都唔會悶嫁，因為佢近排真係好鍾意睇 Your Baby Can Read，所以我就開定比佢睇，咁我哋就可以慢慢食都得，he he.....

 

睇下，彤彤真係睇得好開心嫁，仲掛住睇，連嘢都唔食住添~ （不過我都有比少少烏冬比佢食的）

 

 

 

 

係度都同各位 Blogger 拜過早年，祝各位身體健康，馬年行大運!~

 

嘗試戒奶樽

二零一四年一月廿七日     星期一

 

其實之前一直都想幫彤彤戒奶樽的，但買過幾款飲奶用嘅學習杯比佢，佢都係唔肯用來飲奶，飲水都有時肯啜幾下嘅~

 

咁岩呢幾日 Aeon 又做折，我哋又去睇下 d 學習杯，買來彤彤試下啦~

 

呢隻杯原價 $79，Aeon 做85 折，折完就 $67.2，買完即晚比彤彤試下用，起初佢有少少抗拒的，係咁推返個杯比我，後來我試下啜，點解好似啜唔到咁嘅? 再試多幾次先知原來要含入少少先啜到的，所以就將個飲管入少少入去彤彤個口內，呢次佢終於都啜到，仲啜得好好添，結果好快就飲晒枝奶，Good!~

 

 

 

唔夠膽行

二零一四年一月廿七日     星期一

 

彤彤而家都成 14 個半月大了，但係佢都仲未識行，唔扶嘢企都唔係可以維持得好耐，最重要係連想嘅行意識都無乜，相比起同佢差唔多大嘅小朋，有部份唔止識行，仲已經可以跑，又可以行樓梯了，所以我哋覺得要迫下彤彤先得~

 

第一步就係帶佢去多 d 公園，又吹下佢最愛嘅 Bubble 吸引下佢，同埋等佢可以睇下其他小朋友係點樣行，等佢有個模仿對象~

 

第二樣就係每晚嘅親子時間，要陪佢係地上玩多 d ，唔再局限係我哋張床上面~

 

就好似今晚咁，彤彤企係 Highchair 果邊想過去 TV 櫃果邊玩 d 櫃門，但佢企係度，伸長 2 隻手，想可以扶住行過去，但又差少少先夠手長，佢試咗 2 次都唔得，就坐係地上，再爬過去，其實個距離只係得好短，佢都唔夠膽去試下開步行，真係都唔知點教佢好~

 

 

 

 

 

 

 

 

 

 

 

開心 Shopping

臨近新年，各大百貨公司 / 店鋪都減價，所以我都趁呢個時候，買定彤彤出年冬天嘅衫~

 

雖然明知明天 (24 Jan 2014) Aeon 仲有多個 8 折，但今晚 (23 Jan 2014) 行過時只係得返呢幾件 90/100碼，仲要只係$15 一件，所以即使貴少少都照買，費事明天賣晒~ 

 

 

 

下面呢件响 Aeon 買的，折完後 $44.8 一件，超底呀!~

 

下面呢幾件都係响 Aeon 買的，折完後 $56 一件/一套，真係超底呀!~

 

 

 

 

 

下面呢 2 件係 Mothercare 買的，條裙折完 $160，另外果 2 套衫，係一 pack 2 套的，折完 $137.5，又係好底呀!~

 

 

 

除咗買比彤彤，老公都係 Aeon 買咗件衫，折完大約 $120~

 

 

下面呢幾年係馬莎買的，分別係 $159, $199 同埋 $99，又係平咗好多~

 

 

 

Playing @ 賈炳達道公園

二零一四年一月廿六日     星期日

 

上星期個 Body Check 報告出咗，所以今日返去盧醫生度睇報告，一切正常~

 

之後就行過去九龍城廣場食 Lunch，然後就帶彤彤過去賈炳達道公園放下電先~

 

首先吹下 Bubble 比彤彤撲下先，希望佢可以自己企多 d ，同埋希望佢開始自己行下，但彤彤真係好懶豬豬，唔扶嘢就唔多肯企，想撲 d Bubble 又唔願企/行，寧可坐係地上/扶住嘢企係度望住 d Bubble 吹走，或者比其他小朋友撲晒，自己無得玩，真係激 c 人呀~

 

 

 

終於比我見到有呢款鞦韆，可以放心比彤彤玩下~

 

 

 

 

 

 

今日玩咗個幾鐘，但彤彤都係無乜想行嘅意慾，同埋佢都係唔多夠膽放手企，其實佢平時係我張床上，成日都可以自己企係度，仲企得好耐添，所以我覺得佢信心唔夠，都唔知點樣令佢有多 d 信心，都成 14 個月大，連企都未係好穩，真係有 d 遲 lor，真係有小小擔心~

 

11th Lesson @ Kiddo Zone + 維園行花市

二零一四年一月廿五日     星期六

 

今日又係去上 Playgroup，唔知係唔係近新年，其他小朋友嘅父母/姐姐都要準備過年嘅嘢比較忙，所以今日連埋彤彤在內，只係得 2 位小朋友咋，好似比較靜局，但有彤彤嘅地方又點知靜呢，呵~呵~呵~

 

係 Warm-up time 時，今日係玩木制餐具、生果同 Mega Bloks，唔知點解彤彤對木碗同埋木匙好有興趣，係咁拎住係度 "畢"~

 

 

 

 

 

 

 

 

 

之後到上堂時間，今日唱嘅歌有 How's the weather，Five little ducky，Days of the week，Open & Shut 等等~

 

今日彤彤無乜講嘢，反而佢個同學仔今日跟 Ms Anges 一齊講嘢幾個字~ 但 Warm-up 過後，彤彤又開始變返多嘢講同埋主動，連 Ms Anges 都話彤彤同佢個同學仔係 Different Character，一個係好動，另一個就好靜~

 

之後 Ms Anges 又拎咗 d Flash Card 出來，教小朋友們 1 - 30 嘅英文，之後 Ms Anges 拎住 2 張 Flash Card 問佢邊張係 One，再拎住另外 2 張 Flash Card 問佢邊張係 Three，彤彤都第一時間就揀岩~

 

之後就到 Story Time，彤彤今日好似對木書有 d 興趣，見 Ms Anges 拎木書出來，就即時爬過去，仲指住 d 公仔添~

 

講完故事，就到落堂時間，又係 bubble time，彤彤又玩得好開心，係咁撲 d bubble~

 

之後我哋去食 Lunch，再行過去維園行花市。上年彤彤仲係好細個，所以無帶佢來維園行，只係行咗觀塘果個，今晚佢大個咗 d d ，當然要帶佢入花市，感受新年氣氛啦~

 

 

 

 

 我哋仲買咗個 Kitty 氫氣球，縛係彤彤手上比佢玩，彤彤不知幾開心，係咁係度 fing fing 下隻手仔~