打針針 + 26th Lesson @ Kiddo Zone

二零一四年六月廿一日     星期六

 

今朝一早，就帶彤彤出去佐敦打針，今次打嘅係「腦膜炎雙球菌接合疫苗ACWY」，因為而家多咗好多內地的小朋友係香港出現，而內地人好多時都帶有呢隻病毒，因為佢哋唔係住係高樓大廈，而係住係一棟棟的獨立屋，好易接觸到泥土，所以比較容易接觸到呢隻菌~

 

未輪到我哋時，先比彤彤係度玩下先，玩咗唔夠一分鐘，就叫我哋入去喇~

 

彤彤一 d 都唔怕打針，全程無喊過不特止，仲想伸手去搶姑娘手中的針 (當時枝針仲拮住佢大脾仔嫁) @@

 

 

打完針後，我哋就係附近食 Lunch，之後就過返 CWB 返 Playgroup~

 

今日原來係 Mr. Daniel 的生日，所以佢請了假，今堂由 Ms. Sanbe 代堂~

 

先來 15 分鐘的 Warm-up 時間，之後就正式上堂喇~

 

今日唱咗的歌仔有：Good Afternoon Song, Hello Hello Songs, Days of the Week, How's the weather, Shake Shake Shake, Bye Bye Song, etc.

 

之後就分 2 組玩 matching game，將同顏色的水果放埋一齊，同埋將 d 水果放落同顏色的碟內；另外又有穿木珠同埋形狀配對等~

 

最後仲拎咗個橙出來搾汁比各小朋友試飲~

 

 

 

 

 

 

 

 

 

 

 

 

 

返完 Playgroup 後，我哋就搭車過沙田行街，貪可以搭一程長程車可以休息下嘛~

意外的長假期 + 兩母囡一齊感冒 + 父親節 2014

二零一四年六月十二日至十三日     星期四至五

由於尋晚在家中發生意外，唔小心撞到隻眼，所以請了 2 天假在家休息，計埋星期六/月，就連放了 4 天假了~

 

好在頭 2 日，老公返咗工，多得公公婆婆過來我家，幫手睇住彤彤，我先可以在床上閉上眼睛休息 (因為頭 2 日，隻眼腫晒，又勁流眼水)；亦都好在彤彤都好乖，只係自己係地上玩，好少來打擾我休息，所以星期五下午開始，隻眼已然好返好多，亦都流少咗眼水了~

 

 

 

 

 

 

 

 

 

 

 

 

 

 

 

 

 

至於晚上，老公放工後，就由佢負責睇住彤彤，同埋陪彤彤係廳睇電視~

 

 

 

 

 

 

 

 

二零一四年六月十四日     星期六

 

正當今日隻眼消咗腫，又無乜流眼水的時間，今朝起床時，竟然鼻塞塞，喉嚨又有點痛，仲有少少咳添~

 

咁我就睇下彤彤點啦，見佢仲瞓緊，但係就又係鼻塞塞，個身仲有少少熱 (但探熱又唔係發燒)，所以即時叫醒彤彤，餵埋奶換好衫，就一齊去睇醫生，醫生話我哋 2 個都係感冒，有少少焗親~

 

拎埋藥就買返飯回家食，返到樓下，彤彤係度扭計，係咁話唔好，仲想出耐 d 街 (因為之前 2 日都無出街，今日又出咗一陣就回家)，氹咗一陣先收聲咋~

 

食咗藥，到晚上我就好返好多了，但彤彤就開始有少少燒，同埋係咁流鼻水~

 

 

二零一四年六月十五日     星期日

 

今日係父親節，但我同彤彤都感冒，所以都無出街，只係晚上出去食飯，同老爺慶祝父親節~

 

意外受傷.....

二零一四年六月十一日     星期三

 

今晚同公公婆婆食飯後回家，原先想執一執個櫃入面 d 物品的擺位，點知唔小心撞咗埋櫃角，撞正左眼眼肚位置，由於向前仆的關係，所以係由撞到果個位向上衝，岩岩去到鼻樑果邊的眼角，所受嘅傷猶如隻眼比人打了一拳一樣~

 

撞到後，老公望一望，見到我眼肚果個位有少少損咗，同埋瘀咗一撻，仲有就係我隻左眼係咁流眼水，但我明明無撞到隻眼嫁 wor? 真係奇怪!!

 

老公二話不說就話去法國醫院睇夜診，所以執咗彤彤小小出街用的物品，就苟樓搭的士去法國醫院了~

 

登記後，姑娘先幫我洗傷口，同埋幫我加了一塊紗布係左眼遮住 d 光線，應該唔會流眼水流得咁勁~

 

之後就去探熱 & 量血壓，點知血壓好高呀(17x/11x)，可能係痛嘅關係吧~

 

今晚好多人睇夜診，又只得一位醫生應診，所以有排等，因為仲有 22 個先到我，好彩等等下又多一個醫生返咗來應診，所以大約等了一個鐘就到我了~

 

今次又係鍾醫生，之前彤彤都睇過佢，佢都算幾細心嫁~

 

咁我就同醫生講返意外發生的經過，之後佢就幫我檢查下隻眼，佢話應該無傷到隻眼，可能係撞到的時間，有污濁嘢入咗眼，令眼睛受到刺激而發炎，一陣叫姑娘幫我用生理鹽水沖下隻眼，回家就滴眼藥水，應該 5 日內就會無事，佢亦寫定封醫生信比我，如果隻眼滴了藥水都無好轉，或又紅又腫，就要去睇眼科，同埋呢幾日唔好望太光的嘢，唔好見陽光，所以我要請假在家休息了~

 

出返醫生房，就去治療室比姑娘幫我用生理鹽水沖下隻眼，沖的的過程中，隻眼好舒服呀，沖完後又有返少少拮住的感覺，同埋又係咁流眼水~

 

之後就去拎藥，埋單 $507，只得一枝眼藥水，唔駛食藥，之後就搭的士回家~

父親節 2014

二零一四年六月十一日     星期三

 

今晚放工後，就同埋公公婆婆一齊出街食飯，同公公 &  Daddy 提早慶祝父親節~

 

見 d 食物未來，又同彤彤影下相先~

 

 

 

 

 

 

 

仲自拍同彤彤合照咗幾張，彤彤無知幾開心，因為可以係電話嘅螢幕見到佢自己個樣嘛~

 

 

上菜後，就要先照顧彤彤食飯先，之後先輪到我食~

 

 

游水水 @ 九龍公園泳池

二零一四年六月八日     星期日

今日我哋又帶了彤彤去游水，但今次我哋唔係去奶奶屋苑果個泳池，我哋揀咗去九龍公園果個泳池，因為貪佢有家庭更衣室，方便 d 幫彤彤換衫 & 沖涼~

 

 

換好泳衣，我哋就出去落水喇!~ 今次玩咗差唔多個半鐘，我哋就帶彤彤出去比較深水的地方玩添 (1.4M)，彤彤不知玩得幾開心~

 

到我哋要走時，我同彤彤講：「好喇，Byebye 啦」，點知彤彤係咁擰頸話：「唔好....」但真係玩咗好耐了，所以我哋就抱佢上水，結果佢係度大喊，一直喊到我哋 3 個都沖完涼換好衫，再帶埋佢離開泳池範圍佢先收聲，足足 Non-stop 咁喊了 40 分鐘，其間無收過聲~