二零一三年十月廿七日 星期日
今日又諗唔到去邊去，所以老公話不如又去海洋公園玩~
今日都幾熱下，朝早睇天氣簡報話 19-24 度，點知入到去海洋公園成 30 度都有呀，等我仲幫彤彤著咗件厚身 d 嘅衫添~
入到去，趁住彤彤仲未眼瞓，我哋先去咗老香港果邊影下相先~
因為 Halloween 關係，有好多嘩鬼出現，其中有一隻走來想嚇下彤彤，點知彤彤唔驚不特止，仲對住佢笑添，攪到佢勁無引，ha ha......
之後老公陪彤彤玩旋轉木馬，我因為唔玩得 (我會頭暈)，所以我就係外圍影下佢哋玩時的情況~
之後到我陪彤彤玩小火車，老公就負責影相~
玩完一輪，我哋就搭海洋列車上山，今日勁多人，又有 d b6 係度打尖，攪咗一輪先上到去，我哋先去育嬰室餵奶同換片先，彤彤自己拎住枝奶來飲，仲自讚叻叻添~ (留意右手手指公)
之後我哋帶咗彤彤去睇海獅，第一次見到海獅，彤彤睇得好開心，d 海獅係度叫時，佢都尖叫埋一份添，ha ha......
行完海洋公園，我哋搭返 107 過 Megabox，因為今日係「吉日」，想睇下有乜平嘢買比彤彤~
結果買咗年仿羊毛底衫，同埋 2 set 髮夾比彤彤，又係反斗城買咗一個串珠玩具~
之後我哋返咗我父母家食飯，仲幫彤彤試下戴個髮夾，戴咗成個女仔晒~
又開咗個串珠玩具比彤彤自己玩下，佢睇來都幾鍾意玩咁 wor~
沒有留言:
張貼留言