二零一三年十月廿六日 星期六
今日彤彤唔駛返 Playgroup，而佢又咁岩抽中可以參加係數碼港舉行嘅「HUGGIES哈囉小B爬爬爬」，所以就晨早搭巴士入去 (因為彤彤係抽中 1:00 - 2:00pm 的時段)~
我哋早上 11 點先出門口，結果都差唔多 1 點先去到，到達後先去登記，然後就拎紀念品同埋印有編號的 label，之後就係等比賽~
由於彤彤被編排去第 8 組出賽，所以我哋都要等一段時候先得，咁我哋就四圍同彤彤影下相先~
終於都到第 8 組嘅比賽啦，比賽開始前可以影下相先的，點知到比賽開始後，彤彤竟然全程坐咗係度，只係掛住望住隔離線果 2 個 BB (佢哋又係坐咗係度唔爬)，一步都無爬過，攪到我同老公勁失望 lor~ (原先老公仲 set 好晒位諗住拍 video 的)
玩完比賽，我哋就去食 lunch 先，之後係數碼港行咗一陣~
之後老公提議去赤柱，因為果度有部巴士去到，所以我哋就過咗去赤柱，行下市集，影下相咁~
之後出返 CWB 食晚飯，去咗新森林焗之專門店食，但好老實，食物質素差了好多，應該唔會再去食了~
沒有留言:
張貼留言