舊曆一歲生日快樂

二零一三年十月三十一日     星期四

 

今日係彤彤舊曆一歲生日喇!~ Daddy & Mami 祝你身體健康、快高長大、聽教聽話、聰明伶俐、天天開心~

 

今日放工返我父母家接彤彤，公公婆婆已經預定咗 2 封大利是比彤彤，祝佢快高長大、身體健康、精乖伶俐~

 

彤彤: 多謝公公婆婆比我嘅生日利是~

 

 

之後我就同老公會合，一齊過去老爺奶奶家食飯，臨上去前仲去買咗個蛋糕，一齊同彤彤慶祝下~

 

爺爺麻麻，仲有姑姐姑丈都封咗生日利是比彤彤，祝佢快高長大、身體健康~

 

彤彤: 多謝爺爺麻麻姑姐姑丈比我嘅生日利是~

 

 

食飽飯後，我哋就一齊唱生日歌，又影下相咁，之後就食生日蛋糕，彤彤都有份食嫁~