彤彤 N 班申請

二零一三年九月廿八日     星期六

 

今日一早八點就要起床，因為今日會好忙，我哋要係一個上午嘅時間內，去 5 間幼稚園，幫彤彤交 N 班嘅申請表~

 

我哋 9 點就出發，先去咗屋企附近果 2 間交表，之後再過咗去我父母家附近果 2 間交表，好彩全部都唔駛點排隊~

 

之後我哋去咗我最心儀幼稚園 -- 迦南，我哋大約10 點半去到，已經見到一條長人龍，排咗大約 1 個鐘就入到去，見到校舍好新好靚呀，彤彤仲周圍望，好似好鍾意呢度咁，希望你可以係度讀書啦~

 

排隊時，彤彤唔太耐煩，係度大叫，又忟忟地咁，點知我哋排到門口，仲有幾個到我哋時，彤彤見到有老師係度，佢竟然無再大叫，仲要好安靜，又同老師笑 wor~ 當我哋攪掂晒 D 手續，一離開校舍幾步，彤彤又再大叫過，真係醒目!~

 

之後我哋去咗稻香飲茶，彤彤仲係度周圍 "liu" 人傾計，引到 d 點心姨姨同埋侍應勁開心~