二零一三年九月三十日 星期一
今日係我嘅生日，好開心今年多咗彤彤同我一齊慶祝生日，今年嘅生日願望好簡單，就係希望我哋一家人身體健康，生活愉快，彤彤快高長大，聰明伶俐，聽教聽話~
今年慶祝生日都同往年一樣，就係去海洋公園，今年仲多咗彤彤同我哋一齊去玩添，但好可惜，今日竟然大部份時間都落雨，中間都有 2 個鐘度係陰天的，叫做可以同彤彤一齊影下相，所以我哋場趁無雨落，就同彤彤影下相先~
之後搭海洋列車上山，我哋帶彤彤去冰極餐廳食 lunch ，因為餐廳裡面可以近距離睇企鵝，估唔到彤彤見到 d 企鵝咁得意，佢勁開心，仲係度大叫咗幾聲，見到彤彤咁開心，真係食得貴 d 都值得呀!~
由於我哋見彤彤咁鍾意睇企鵝，加上今日好多嘢都行唔晒 (一來落雨，二來帶住彤彤行得慢 d)，所以我哋決定咗 upgrade 去 Annual Pass，咁來緊一年就可以隨時入來玩都得啦~
食飽飽之後，我哋原先諗住入去企鵝館睇多次企鵝的，但裡面太凍了，我哋只係帶多咗件薄衫比彤彤，驚佢唔夠暖會凍親，所以一入去就即出返來，點知出來時撞到表哥表嫂同佢囡囡，真係巧合~
行多15 分鐘度，又開始落雨了，所以我哋同彤彤入一 D 室內嘅地方睇下嘢就算~
臨離開前，老公話去買公仔比彤彤，但我話佢已經有好多公仔，不如買過背囊仔仲好，所以最後都係買咗背囊~
我比咗 2 個背囊比彤彤自己揀，我分別左加手各拎一次，彤彤 2 次都係揀咗下面呢個，所以就買咗呢個比佢了~
我哋大約 5 點半就離開，但都幾多人都係呢個時間離開，所以架車都幾爆，彤彤仲係車上係咁 "LIU" 我陪佢玩添，正一爛玩豬~
沒有留言:
張貼留言