彤彤新戰車

二零一三年九月廿八日     星期六

 

食完 Tea ，我哋就過咗去太古 Aeon 行下，一直都想買多架輕 d 嘅 BB 車，因為架 P3 真係太重，我自己一個人帶彤彤出街，我一定唔會用，但如果用孭帶，我條腰用會痛 wor，所以仲係心大心細中，而且我又驚老公唔比買，於是把心一橫，事前無同老公提過，就直接帶老公去試下車先，等佢感受下輕身車嘅好處~

 

其實之前都有上網做過 research 的，本身我唔想買淘寶 / 無牌字的士的車，所以睇咗唔同人嘅 comment 之後，只有 Aprica Magical Air 579 (2.9kg) 同埋 Combi F2 (3.9kg) 合我心水，2 部價錢都差唔多，但我嫌 F2 重多 1kg，前面無圍欄，同埋個坐位比率窄，所以最後鎖定 Aprica Maagrical Air 579~

 

 

一去到 Aeon 就先去 BB 部，睇下部 BB 車嘅實物先，一拎上車，真係好輕呀，已經勁鍾意喇，之後游說老公放埋彤彤上車試下車先，彤彤真係醒目，即時表現出好開心好舒服咁 (真係識配合 Mami 的計劃，ha ha.......)，根住我打蛇隨棍上，話部車點好點好，又話 P3 真係太重，上落扶手電梯好危險等等，終於比我打動到老公肯比我買~

 

 

就係咁，就拍板買了，我哋原先想買螢光綠的，點知原來 HK 無得揀呢隻色，所以我哋就揀咝竇藍色了，承為 $1538.1~

 

比完錢，我哋即用部新戰車，之後去食飯，食埋飯就回家了~