4th class @ Kiddo Zone

二零一三年十月十九日     星期六

 

係八月嘅 BB 展，我哋幫彤彤買多 4 堂 Kiddo Zone 嘅 Playgroup，今日終於可以上喇~ (因為太多想要星期六上，所以要等到 10 月先有位上)

 

今日我哋大約11 點就出門口，之後去食 lunch，食完飯，諗住搭巴士過去 CWB 上堂，點知彤彤瞓咗教，咁我哋就改搭 MTR，費事收 BB 車時整醒佢~

 

彤彤瞓咗唔係好耐就醒咗，仲將對腳仔 "long" 咗上 BB 車嘅前欄度添，都唔知有乜咁好 "long"?! (我哋見好多 BB 都係咁 "long" 腳，但人家都只係 "long"，但彤彤係會 un 同埋 fing 的，真係好粗魯 lor)

 

 

 

我咗大約 1:10pm 就到達 Kiddo Zone，但因為早到咗成 20 分鐘，其他同學仔都未來到，所以彤彤可以一個係 sofa 上玩~

老公陪彤彤係 sofa 上玩，我就同 d 職員傾下計，原來之前果 d 同學仔都無繼續係度讀，仲有就係之前 d 老師都 resign 晒，而家換過一批新老師了，同時 6-12 個月大呢班，因為太多人報，所以就加開一班~ 

 

 

 

 

 

 

到咗 1:30pm，我就同彤彤入課室，老公就係外面等，先有 15 分鐘 warm-up 時間，期間有好多唔同嘅益智玩具比小朋友玩~

 

 

 

 

 

 

 

 

 

 

 

 

 

 

 

 

彤彤對呢個 City Bead 好有興趣，第一次玩串珠玩具，佢已經大約知道要拎果個串珠，但手仔的靈活度未係好好，所以對佢來講有少少難度~ (原先想買一個比彤彤的，但見呢個玩具要成 $600，我哋覺得唔值，所以就無買到)

 

 

 

 

 

 

 

 

之後就開始上堂，今日唱咗 Hello Song，Five Little Duck，教星期幾嘅歌，Bye Bye Song，又教咗男仔/女仔，同埋天氣~

 

彤彤聽到熟識嘅歌仔時，就會左右擺動身體，老師問佢嘢時，佢又會哝哝哦哦咁回應，又識得拍打黃色鴨子令佢有 bee bee 聲，老師仲讃彤彤叻叻，知道點玩~ 呢樣嘢無人教過佢，但老師比隻黃色鴨仔佢，佢自己自然就拎來拍打，真係奇怪!~

 

下堂之後，老師同我講，彤彤好有好奇心，又好快 get 到個 idea 係點，同埋佢唔怕生保，話彤彤叻叻!~ (希望真係啦，ha ha....)

 

 

 

 

 

 

 

 

之後我哋過咗去皇室堡嘅玩具反斗城，因為彤彤下星期六要參加 BB 爬行比賽，要作 Halloween 嘅打扮，所以想去睇下有乜岩彤彤~

 

見到皇室堡有鬼太郎影，我哋又同彤彤一齊影下相，先再上去玩具反斗城~

 

 

 

 

 

 

 

 

 

 

去到玩具反斗城，我哋又唔太想買 Halloween 嘅服飾，著一次就無用，好似有 d 浪費，所以都係睇下有乜頭飾岩彤彤好過，得下面果 2 款岩，但我哋又麻麻鍾意，所以都係無買到，但我哋都買咗塊英文字母 pizzle 比彤彤~

 

 

 

 

之後行行下街，比我哋見到有呢個南瓜頭飾，仲要唔係貴 ($25)，所以就買咗比彤彤~

 

 

返到屋企，即時搵彤彤試下個南瓜頭飾先，但佢成日想扯落來玩 lor~

 

 

 

之後同彤彤沖涼洗頭，再比佢係床上玩下玩具，幾分鐘前仲周圍摛高擒低，幾分鐘後竟然咬住背囊條纚瞓著咗@@