轉新手機 & APM 逃出魔法校園

二零一三年十月廿四日     星期四

 

今日放工後同老公去咗衛訊買新手機 - LG G2，因為我用緊果部 iPhone 4s 個 wifi 成日都有問題，趁佢未 c 晒前都係換機好 d~

 

原先諗住換 iPhone 5s 金色的，但等來等去都未見有貨，老公又成日叫我試下用 Android 機，話部 G2 好好用(佢早 2 星期已經買了)，仲比埋佢部機我試玩咗一晚，結果決定換機~

 

 

買完機就去食飯，之後就同彤彤影下 Halloween 嘅佈置~

 

 

 

 

 

 

 

 

 

 

 

 

玩積木 & 睇書書

近排夜晚都係放彤彤係床上玩玩具，多數都係比 d 積木佢玩，同埋比書書佢睇~

 

其實我無教過佢點玩積木的，只係比一埋積木比佢自己玩，佢就好自然咁拎起 2 粒積木來互相敲敲下，再望幾下，然後就丟落地上，再望下跌咗去邊，之後就再拎過另外 2 粒來玩，全個 steps 又再 repeat 一次~

 

 

 

 

 

至於睇書書，佢開始鍾意翻開內頁來睇，唔似早 2 個月咁，只係識得合埋本書再拍幾下就算，但有時佢會將本書上下掉轉來睇，真係奇怪?!

 

 

 

 

 

 

馬灣公園

二零一三年十月廿日     星期日

 

重陽節補假果日，因為落雨去唔成馬灣公園，所以今日補返數~

 

我哋先去葵芳食 lunch 先，今次去咗嚐越食，order 好食物後，我哋抱彤彤出來，點知佢條片片又漏了，成條褲仔濕了一大片，好彩我有帶多條褲仔咋 (不過同件衫有少少唔襯 lor)~

 

講開又講，呢排彤彤成日都有漏尿的情況，唔知係唔係因為佢對腳仔無時停，郁到條片片攪到漏尿呢? 係唔係要幫佢轉著學習褲呢??

 

因為已經 order 咗食物，所以老公要留係餐廳，而我就帶彤彤去換片片，但近排彤彤好百厭，一個人好難同佢換片，所以我都要好辛苦先可以換到片，期間仲比彤彤將我部手機丟咗落地下添，正一衰豬來的!!!

 

我哋返到餐廳，d 食物都來咗一陣子了，所以我哋都快 d 食埋先，費事凍了~

 

 

 

 

 

 

我哋先去栢麗灣碼頭行下，再慢慢行返去馬灣公園果邊，今日天氣都幾熱下，個太陽仲好猛烈添~

 

 

 

 

 

 

我哋無入挪亞方舟，因為都無乜嘢岩彤彤睇，所以無買飛入場，只係門口位影張相就算了~

 

 

 

來到馬灣公園，原先我想行埋上山上的，但老公話今日用 BB 車唔太方便，而且又多樓梯級，都係唔好上去好 d，所以我哋就無行上去了~

 

 

 

 

 

 

 

 

 

 

因為只係行咗地面果部份，所以都幾快就行晒，老公話出返荃灣食下 tea ，再行一陣街先回我父母家食飯~

 

 

 

 

呢張相超 chok 呀!~

 

 

為食豬，見我食蛋糕，係都要我比 d 佢食@@

  

之後行咗馬莎，見有特價，又買咗套衫比盼盼出年夏天著 ($99)~