Sharon, Victor and Tung Tung 幸福之家: SweetTalk x 愉景新城

二零一五年十月十月星期六

好多謝 PR 姐姐的邀請，可以比彤彤試玩「SweetTalk x 愉景新城 - 吹氣彈彈迷城玩轉Halloween」，所以我哋當日大約 1 點就到達了~

原先我收到 email invitation 時，有約埋表哥仔一齊去玩的，但可惜果日表哥仔唔得閒，所以我哋就同 PR 姐姐講返，只要一套飛就夠了~

換飛時，PR 姐姐仲比一份問卷同埋一張印花卡比我哋，玩齊 6 個遊戲同埋填妥問卷，就會有一份小禮物送返比小朋友的~

由2015年10月10日至11月1日期間一連四個週末及10月21日(星期三) 公眾假期(合共9天)，愉景新城與SweetWalk攜手打造逾萬呎室內及室外吹氣主題歷奇樂園 - 「SweetTalk x 愉景新城 - 吹氣彈彈迷城玩轉Halloween」，一齊扮鬼扮馬迎接Halloween，全新互動「Choco迷城」以及「Fuzzy蹦蹦跳」之「三合一」吹氣遊樂設施更率先進駐愉景新城 (每個遊戲 HK$20 至 $60)！此外，現場更於設置甜品坊，提供各款Halloween糖果、雪糕及爆谷，造型精美別緻，小朋友定必愛上！還有DIY創意Halloween工作坊，面部彩繪親子攤位活動及扭扭汽球攤位，適合大人及小朋友一同參予，盡情投入最刺激Halloween Party！

愉景新城 x SweetWalk吹氣彈彈迷城
日期	2015年 10月 10日至11月1日一連四個週末及 10月21日(星期三) 公眾假期(合共9天)
時間	上午11時30分至晚上7時30分
地點	愉景新城 (荃灣港鐵站A3出口)
費用	每個遊戲HK $20至$60元
高度限制	90厘米或以上
查詢電話	2940 2822

換完飛之後，我哋去食飯先，要有足夠嘅體力，先可以挑戰呢 d 咁高難度嘅遊戲嘛 (對一個 3 歲都未夠嘅小朋友嚟講)!~

近近地就揀咗充氣遊戲隔離嘅 Fullhouse kitchen，有影相位又有 BB 櫈，食物都幾好味同埋地方闊落，彤彤好鍾意玩呢個不倒翁呢~

食飽飽後，就即刻行過去玩第一個 game - 勝者為王 (King of the Hill)：考驗小朋友平衡力，發展自我運作模式，訓練意志集中力，能夠保持在中央最耐為之王者。

我哋入去玩時，得彤彤一個小朋友玩咋，所以佢不斷係咁跑，又不斷跑跑下跌低，用嚟放電簡直一流~

玩到差不多尾聲，先有另外一位小朋友加入，所以初後好似比彤彤包場嚟玩呀~

玩玩下，仲有工作人員哥哥，抱彤彤上蘑菇頂，睇下彤彤笑得幾開心~

之後我哋就去玩另一個 game - Fuzzy 蹦蹦跳 (Fuzzy Bouncer)：小朋友穿梭三合一吹氣遊戲區之中，透過跳躍動作，需要運用到全身的肌肉，藉以訓練手腳協調，全面提升肢體動覺智能。

彤彤首先要爬上滑梯頂，再瀡落去，然後就要爬過去彈床果邊，再搵返出口瀡落嚟，再行返過去又爬上去滑梯，不斷 loop~

另一個要介紹嘅 game - 迷你城堡 (Mini Castle Bouncer)：輕鬆躍動，協調全身肌肉，保持平衡度。發展雙手的靈巧度及技巧性，提升肢體動覺智能。

呢個 game 好好玩呀，又有滑梯又有波波池，彤彤話好好玩，玩得好開心呀~

好鍾意呢張相，彤彤個笑容好滿足~

原先我哋係打算玩嘅另一個 game - 為食巨人 (Greedy Giant Bouncer)：運用整個身體全面躍動啟發表達思想和靈巧地運用全身的肌肉提升觸覺所引起的能力。

但當我哋比彤彤入去玩時，佢見到隔離果個 game 好好玩，所以佢就唔肯玩呢個 game，我哋試咗放佢入去幾次，佢都係堅持要出返嚟~

係乜嘢 game 令彤彤兩眼發光，指定要玩呢? 就係 - 挑戰極限(Extreme Obstacle Challenge)：運用全身爆發力，挑戰極限障礙。提升力量和肌肉彈性，全面提升訓練手腳協調敏捷度。

睇見都覺得幾難下 (對一個 3 歲都未夠嘅小朋友嚟講)，我哋都有小小擔心，彤彤爬唔爬到上去滑梯頂呢?

呢次係彤彤第一次好辛苦先爬到上滑梯頂，正當我哋想拍低佢瀡落嚟果刻，點知佢差一步爬唔到上頂，就跌返嚟去，但佢無喊不特止，仲繼續不斷好努咁嘗試想爬上去，Daddy & Mami 覺得你已經做得好好，遇到困難不退縮，叻叻!~

另外，我想讚一下相中左手邊果位小朋友，佢應該大彤彤唔係好多，但佢彤彤不斷好努咁嘗試想爬上去，又跌低時，佢主動走過去拖彤彤起身 2 次，之後彤彤開始再爬時有小小唔夠力上去，佢又走埋去幫彤彤頂一頂個 pat pat，寧願犧牲自己玩嘅時間，都走去幫其他有需要嘅人，真係低讚!~ 小小年紀，已經有 gentlemen 風度，父母教得好好!~