K1 開學月小評

二零一五年九月廿六日     星期五


今日大約 5 點鐘，係公司收到彤彤班主任 -- 何老師嘅電話，佢話想同我傾下彤彤開學一個月嘅表現，當時都有小小擔心，唔知彤彤會唔會被老師投訴呢?


何老師先同我講返彤彤在校戒片嘅進度，何老師話彤彤基本上可以係學校嘅厠所仔 vv，但係就可能要坐耐少少先成功到，但仲未係好識表達自己想去 vv，所以有時老師要估彤彤開始急 vv 未，如果估錯了，就會攪到濕晒 (而家彤彤返學校後，老師會即時幫佢除片的)；亦有另一個情況就係响厠仔屙唔清，返到埋自己位又屙過，所以就會整濕晒，好彩老師同埋嬸嬸好好人，話唔好心急，慢慢幫彤彤戒片~


其他方面，老師就話彤彤無乜特別大問題~


既然老師打得電話嚟，我當然唔效過機會，了解多 d 彤彤係學校嘅表現啦~它


老師見我問開，就話彤彤有時唔太專心，例如坐係地墊度上堂時，會拎塊地墊嚟玩；做手工/小肌肉訓練時，又會八卦四圍望下；但出奇地睇教學 Video / Powerpoint，又好留心 (雖然老師無講出口，但我知都係因為彤彤自細睇太多英文教材 Video 有關)~


另外，我都有問何老師，關於彤彤講嘢/對答方面嘅表現，老師話彤彤基本可以表達自己想要嘅嘢，但未能夠用完整句子講出嚟，即係講到 key point only。而對答方面，老師話彤彤可以用普通話同普通話老師對答，當然唔係一句句子啦，只係好簡單嘅字/詞語；但有時老師同佢講嘢，唔知佢當時係唔專心定無興趣，佢會唔出聲，所以唔知佢識定唔識，或唔想講嘢 only~


另外，老師都有同我講返其他有份教彤彤嘅老師名，亦知道原來彤彤果班分了 4 個小組，分別係蘋果、香蕉、士多啤梨同埋西瓜組，而彤彤係屬於西瓜組，同組仲有 7 個同學仔添~


晚上返去公公婆婆家，原來今日彤彤帶咗個小手工回來 -- 燈籠~





另外，當我睇下彤彤書包有無功課要做時，唔知係唔係長假期關係，今個星期勁多功課要做：一份閱讀報告、4張工作紙(共 5 頁)、親子溫習課本 2 本，對一個 K1 學生嚟講，會唔會多咗少少呢？


既然咁多嘢要做，當然要快手同彤彤一齊開工啦~ (好彩今日老公要返大陸，未有咁早返嚟接彤彤回家)















結果我同彤彤用咗個半鐘先完成下面呢幾份功課！~