中秋嘗月 @ 寶康公園

二零一五年九月廿七日     星期日


同老爺奶奶食咗飯，我哋就約埋表哥仔一家行過去寶康公園玩燈籠~







據講今年中秋嘅月亮特別大，叫做超級月亮~ (um...... 好似同平時差不多啫~)






係新都城行過寶康公園都有一段路程，難得彤彤肯自己行晒全程，有得玩嘅威力果然唔同 d~






行咗大約 15 分鐘，終於都嚟到喇，係玩燈籠之前，當然要影下相先啦，但 2 位小朋友都唔太合作，好難影到一齊望鏡頭嘅相 lor~








彤彤玩開自己個跳跳虎燈籠，點知又話想玩表哥仔個 Minions 燈籠，好彩表哥仔肯讓佢玩晒，唔係佢實會扭計啫~











2 位小朋友期待什麼呢?








原來姑仔帶咗 2 把泡泡槍出嚟，2 位小朋友即時話唔玩燈籠，等玩泡泡槍~



我哋原本打算食完中秋節飯後，兩表兄妹一齊去寶康公園玩燈籠的，但一拎泡泡槍出嚟，都無乜點玩過燈籠，就變咗泡泡槍大戰~