Ocean Park Halloween 2015

二零一五年十月十一日     星期日

彤彤學完畫畫，我哋就去搭車去海洋公園，因為我哋張金卡到期了，今日係 last day，短期內應該都唔會再續會住，所以今日一於玩盡 d，由天光玩到天黑，可惜臨尾落雨，但都叫盡興而歸!~

我哋大約 2:45pm 就去到，先係門口影返張全家幅先~



之後就正式入場~







入到去，已經見到好多 Halloween 打扮嘅職員係度扮鬼嚇人，同埋同人合照，所以我哋都走埋去搵佢哋集下郵先~











彤彤個樣有 d 緊張 (定係驚呢?)，一路影一路係度昅實哥哥，又想逃離呢位哥哥，真係比佢笑 c 我哋呀!~









當我話 ok 喇，影完喇，即時笑返晒~







呢個影相位好似幾好玩，但太多人排隊，所以我哋無排到~



沿路都有好多 Halloween 嘅佈置，所以不乏影相位嫁~









老公個肚有小小唔舒服去了洗手間，所以我就同彤彤四圍影下相先喇~







點知影到呢度，彤彤唔肯行埋去拖住隻吉祥物影相，仲要企到咁開，所以職員就話不如媽咪陪埋你影啦~





咁岩吉祥物要換班，又無人排緊隊等影相，所以我哋又影比呢隻吉祥物喇!~



之後我哋行行下，發現有個糖果街，所以就帶彤彤入去睇下先~





原來入面有好多個派糖 counter，有工作人員同小朋友玩遊戲，之後就會派糖比小朋友~



我哋拎完第一個 counter 嘅糖，老公都返嚟 join 返我哋，所以就一齊行上山，繼續去拎糖~





































呢位小朋友，都未同哥哥玩遊戲，就好心急想拎糖果，ha ha......



















行完糖果街，我哋都滿載而歸了，但好明顯小朋友係拎得好糖果過大人好多，我同老公果袋，都唔夠彤彤果袋多，ha ha.....



之後我哋就繼續行下影下相先~



原來 Bossini 有個 counter 係威威樂園入口位置，可以免費借衫比小朋友，扮下 Halloween 造型嚟影相，可惜女仔果張衫有點大(130 碼)，彤彤著起身唔太合身~







趁住仲未天黑，快手入去威威樂園，同 Halloween 版嘅叮噹影下相先~







ha ha..... 彤彤扮大熊咁樣擺 pose 影相~





之後見到旋轉木馬，當然係要玩啦，好彩唔太多人，第了 2 round 就有得玩~







玩完旋轉木馬，又去再影下相先~











行到都有點攰，我哋就食少少嘢先，呢個著條好好味，彤彤都食咗好多呀~



食飽再行過，彤彤話想揸車，但佢咁細過邊識玩呀，所以我無入錢比佢玩，等佢自己係度扮下揸車就算~







係去搵洗手間途中，比我發現咗呢個機動遊戲，之前都唔見的，所以去完洗手間，即時帶彤彤去玩，仲玩咗 2 次添~ (因為無人排隊)









玩咗 2 次之後，彤彤話：「彤彤叻叻，自己一個坐，唔駛 Daddy Mami 陪，好好玩好開心呀!~」

之後彤彤話想坐摩天輪，所以就去排隊坐啦~





坐緊摩天輪時，彤彤係咁話要玩青蛙跳 (小朋友版跳樓機)，所以就快手過去排隊玩，因為呢個比較多人排隊~

老公陪彤彤玩咗一次，仲未夠喉，所以我就陪彤彤再玩多次，又真係幾好玩嘅，唔怪之得彤彤係咁話好開心好好玩啦~









天色都開始黑了，要快手 d 去影相先得喇~









之後就入埋去小朋友版嘅鬼屋，同叮噹影下相先~







工作人員姐姐叫彤彤跟靜香咁樣擺 pose 影相~









彤彤對呢個玻璃球好有興趣，但又驚驚地唔敢掂~









彤彤：「Daddy 小心 d 呀，唔好掂呀，好危險嫁~」 (設計對白)

















之後我哋去坐纜車上山，睇下夜景~











去埋鯊魚館睇鯊魚~





呢 2 條魔鬼魚在談惰嗎? 亙相追逐又痂埋一齊咁~

























睇完鯊魚出返嚟就開始落雨了，所以我哋快步行返去企鵝館，探埋企鵝仔就落返海洋列車落山~













睇完企鵝出返嚟，彤彤叫我買隻企鵝比佢，我就叫佢揀隻細隻嘅企鵝公仔 (因為唔想太阻地方)，點知彤彤話想要大隻果 d，所以就買咗下面呢隻，可以做公仔，又可以做攬忱~





晚上回家後，彤彤話好鍾意隻企鵝，要企鵝瞓係我同佢之間~