Disneyland 20151021

二零一五年十月廿一日     星期三

今日係重陽節，但我哋唔駛去掃墓，所以變咗有一日假期，咁岩 Disneyland 今日連銀卡都可以入去，所以我哋就一早起身，向 Disneyland 進發~

但我哋 10:30am 去到青嶼幹線收費亭，諗坐轉 R8，估唔到勁多人，我哋第一班車上唔到，一等等了 20 分鐘先有下班車出現，下面張相，係我哋架車已經上滿人，而影返落車站，仲有好多人都上唔到，真係好跨張~



原先諗住 Disneyland 入面肯定好多人，原本好多人都係迪欣湖落咗車，去 Disneyland 嘅人唔算多，咁都好 d~













入到去，我哋就兵分 2 路，老公陪彤彤排隊玩小飛象，而我就去拎 Winnie the Pooh 嘅 Fast Pass，好好彩，可以拎到咁早嘅 Fast Pass~



我拎完 Fast Pass 就四圍行下，而老公同彤彤就排咗大約半個鐘就可以玩小飛象~





玩完小飛象，見旋轉木馬唔係好多人，又排隊玩埋，彤彤仲第一次自己坐一隻馬，仲沾沾自喜咁話唔駛 Daddy 陪，話自己叻叻添~









之後我哋就搵咗個陰涼地方休息下，同埋比 d 麵包比彤彤食下先，之後再去玩過~





之後，我哋就去小小世界坐下船先~





坐完船，就夠鐘返去玩 Winnie the Pooh，有 Fast Pass 真係好，唔駛係度排隊~ 行過望一望，原來全日嘅 Fast Pass 已經派完了~

















之後就快步行去等 Elas 出嚟，我哋影果場係 2:15pm 開始，估唔到未夠鐘開始就已經截龍了，好彩我哋早少少過定嚟排除咋~

不過彤彤對於無得同 Anna 姐姐影相，有少少失望，係咁問我 Anna 姐姐係唔係瞓咗教，幾時先瞓醒出嚟?









影完相，行經米奇 3D 幻想曲，岩岩有一場準備開始，所以又入去睇下~

彤彤唔係好慣戴住個 3D 眼鏡，成日都除低嚟睇~







睇完米奇，就行過去 Toys Story 果邊~





當然係去玩彤彤嘅最愛 - 彈弓狗啦~ 估唔到排咗 15 分鐘就可以玩 (佢個牌寫住要排 40 分鐘嫁)~





之後我哋去排隊玩降傘，其實上次彤彤已經話想玩，不過我哋驚佢會驚，所以無比佢玩，但今次佢又再次要求，所以就比佢玩下啦~

睇下彤彤個樣幾期待，一路排隊，對眼仔都無離開過~













排咗接近半個鐘，終於輪到我哋喇，估唔到彤彤唔驚之餘，仲話好好玩，反而我自己有少少驚 lor~



玩完降斜，就四圍行下影下相，就準備回家，因為晚上而同老爺奶奶食飯，所以唔可以玩得太晏~