國慶日 2015

二零一五年十月一日      星期四

今日係國慶日，無啦啦多咗一日假，但由於明天要返工/學，所以費事去太遠嘅地方，近近地又多嘢行嘅商場，而近排又少行嘅，諗嚟諗去，就一於去太古啦~

我哋先去食個 lunch 先，係康怡果邊行咗陣，間間食店都要等位，所以就揀咗去抹荼館，因為我想試佢 d 甜品好耐，奈何成日都要等好多張枱先有位，所以都無機會試~

我哋叫口咗 2 個飯同埋 2 個甜品，份量雖然唔算大，都叫夠食嘅，但味道不錯呀，同埋個甜品真係好好味呀，可惜彤彤唔鍾意食佢個綠茶雪糕 (可以綠茶味太濃掛)~









食咗飯後，我哋就去行下 Aeon，當然有同彤彤係度玩下機動遊戲啦，彤彤當場玩得好開心啦~











關於呢個小型旋轉木馬，我有樣嘢想講好耐，好多時我同彤彤去玩呢個旋轉木馬，當我一入錢時，就會有其他小朋友跑出嚟 / 由父母抱住個小朋友跑過嚟，再駛上另外 2 匹馬上。

首先我唔介意入錢比彤彤去玩，但我介意呢類貪小便宜的人，你哋比我嘅感覺係好 odd~ 

曾經有 1-2 次，旋轉木馬停落嚟時，有小朋友叫我快 d 再入錢，我當時感覺 "老馮嗎??"

再講返今日，唔知關唔關地區問題，人的修養都好唔同，今日彤彤騎上馬後，我正係度入錢，另一位騎係馬上嘅小朋友的爸爸問我：「你入晒 d 錢呀? 入 2 個就得喇」(佢意思係 6 個銀玩一轉，咁一轉可以坐 3 個小朋友，所以每位小朋友只需入 2 個銀)

我答返佢：「未呀，岩岩入了 2 個」，之後佢話得喇，佢就入了 2 個銀，而另一位小朋友嘅家長又入了 2 個銀，之後就按下開始制~

老公問我頭先同人傾乜? 我講返比佢聽，我哋都覺得咁樣又幾 fair play wor~ 大家有得玩，又唔駛一個人比晒 d 錢，share 返一人一份錢~