Mother Day 2014 + 媽媽咪咪嘉年華

二零一四年五月十一日     星期日

 

今日係母親節，當然係一早就安排好節目啦，所以我哋一早 11:00am 就出發去油塘食 Lunch 先~

 

 

食飽飽後，就準備出發去機場博覽館的媽媽咪咪嘉年華，因為我哋一早去反斗城拎咗免費飛，所以可以搭免費車入去，但一個鐘先得一班，一家要預 d 時間預得準 d 先得，唔係 miss 咗一班車又要等多一個鐘嫁喇~

 

見仲有少少時間剩，就帶彤彤周圍行一陣先，彤彤一見到 d 扭蛋機就衝咗入去，部部機都拍下扭下咁~

 

 

見時間差唔多，我哋就行去車站等搭車，但部車遲咗差唔多 15 分鐘先到，所以我哋係個車站度餵蚊 lor~

 

 

見唔係好多人搭呢架車，我哋就比彤彤自己一個坐一個位，今次係彤彤第一次自己一個人坐上層巴士呀~

 

 

入到會場，講真檔位得好少，又無乜嘢睇，但勝在好多遊玩設置比小朋友玩，仲分開埋年齡組別嫁~

 

另一樣就係有好多 Hello Kitty 的場景可以影下相喇~

 

 

 

 

 

我哋仲好好彩，拎到籤可以抱抱 Kitty 來合照添，每日只得 30 個籤，同埋呢個數字係會到入世界記錄入面嫁，我哋有幸成為其中一份子~

 

 

 

 

 

 

影完相，每人會一張 Hello Kitty Hug Me 貼紙貼係身上嫁，彤彤仲係咁指住張貼紙話靚靚添~

 

 

之後我哋又去咗影一張全家幅，仲係即影即有來的，唔駛好似上年咁等佢寄來，仲可以揀自己鍾意的配飾來影，我哋就揀咗皇冠來影~

 

 

 

影完相，我哋就同彤彤去排隊玩 Hello Kitty 吹氣跳彈床 & 波波池，呢個設施話明係比 1-3 歲玩的，點知有個 4-5 歲的女仔入咗去玩，佢排我哋後面，但打我哋尖一下子就爬入去玩，咁都算喇，入到去玩，彤彤係波波池入面玩緊，果個女仔竟完係跳彈床果邊一嘢跳入去波波果度，仲要笑晒口咁添，我即時出聲罵佢，話知唔知有其他小朋友係波波池入面，你咁樣好危險好易整傷其他小朋友嫁，佢仲係咁係度笑，然後又爬返上去跳彈床果度想再跳多次入去波波池，我咪出聲叫佢唔好 lor，另位小朋友的家人聽見我罵，先知佢個小朋友咁曳，叫佢唔可以咁，同時亦都同我 say sorry，我無理到佢哋，只係想儘快入去抱返彤彤出來，唔想彤彤再同呢 d 咁曳的小朋友一齊玩~

 

之後我哋去了一邊的吹氣滑梯玩，仲有吹氣跳彈床添，彤彤不知玩得幾開心~

 

 

 

 

 

玩到 5:00PM 我哋就離開喇，點知落勁大雨，好彩我哋又係搭返免費車走咋，唔係都唔知點行出去巴士站搭巴士出返去東涌轉車~

 

今次呢程車係去將軍澳，岩晒我哋，因為我哋晚上會同老爺奶奶係寶琳食飯，彤彤一上車就瞓咗了，連我哋去到酒樓都未醒，到差唔多起菜，我叫醒佢先瞓醒咋~

 

今日姑仔送咗個 Kitty 玩具比彤彤，彤彤回家後就即刻拎住來玩，一邊聽音樂，一邊跳舞添，睇下佢玩得幾開心~