二零一四年四月廿一日 星期一
來到長假期的最後一日，由於明天要返工，所以今日都唔打算去太遠的地方，只係去咗行下 Aeon 就算了~
撞岩今日係 Aeon 嘅吉日，所以我哋打算去買張新的床褥，因為而家果張，成日都瞓到我周身骨痛，我懷疑係張舊床褥令到我咁，定還是因為生彤彤時打果枝無痛針的後遺症呢?
上網 check 過，原來金美夢的護脊床褥係唯有由脊醫推薦，又係消委員的選擇月刊推介的，所以我哋就買咗呢張床褥，今日吉日就有 95 折再 9 折，折後236X，仲送多 2 個太空枕，星期六就可以送貨，希望換咗床褥，條腰唔好再痛啦~
出門前，今日試下幫彤彤扎起 d 頭髮，扎起後成個牛奶妹咁，我就覺得幾 cute，但老公又話麻麻地 wor，所以最後都無扎起 d 頭髮出街~
行完 Aeon 之後，見時間仲早，所以我哋就同彤彤去咗沙田文化博物館 (結果都係去咗 d 較遠的地方，ha ha)~
沙田文化博物館呢度有個兒童文化館，裡面好岩小朋友去玩嫁，睇下彤彤玩得幾開心~
之後我哋就上層，睇李小龍館，但果度唔比影相~
行完李小龍館，我哋又落返去一樓，果度有個花園，彤彤勁鍾意係度行來行去呀~
之後再睇埋另一館，我哋就回家了~
沒有留言:
張貼留言