Easter Holiday 2014 Day 2

二零一四年四月十九日     星期六

 

尋日由於長洲好多人，臨時改行程無去到，所以今日就補去返喇~

 

我哋先搭車去碼頭，由於唔係好多人坐，所以又可以比彤彤自己一個人坐一個位了~

 

 

 

我哋大約 3:20PM 去到碼頭，都唔算好多人，趕得切搭3:30PM 果班船，上到船後仲有吉位，所以我哋就比彤彤自己坐一個位喇~

 

呢位小朋友當然係坐唔定，要企起身睇下個海，又四圍擰，又撩下其他人咁~

 

 

大約 4:10PM 就到達長洲了，一出碼頭，我以為自己去咗油尖旺，簡直係人山人海呀~

 

來到長洲，第一件事當然係去買長洲魚蛋同埋蝦餅啦，但蝦餅一早就賣晒，所以只係買魚蛋同埋墨魚丸，之後就食長洲大大粒魚蛋，同埋炸雪糕，彤彤都有份食大大粒魚蛋嫁，一啖咁多啦~

 

 

但今日真係好熱呀，彤彤都熱到係咁發忟憎，又唔肯自己坐 BB 車 (因為太熱)，人又多 wor，所以只好抱住佢來行啦~

 

行行下見到有間學校舉辦緊一個環保展覽，所以我哋就入去睇下，順便涼一陣，因為有風扇吹下嘛~

 

所以我哋就放彤彤落地行下，等佢可以四圍行下，唔駛咁悶~ 

 

 

 

 

 

之後我哋行咗去沙灘果邊，又係勁多人，有 d 人係沙灘度吹波波，彤彤好眼利見到，仲即時指住 d 波波話比我哋知，所以我哋就係度企咗一陣，比彤彤睇下 d 波波~

 

 

 

之後再行下，見到有個小型遊樂場，就比彤彤係度玩下放下電~

 

 

 

 

 

 

 

好鍾意呢張相，低炒角度影出來，影得彤彤幾型咁，呵呵呵~

 

 

 

 

 

 

 

 

 

 

 

 

大約玩咗 40 分鐘，我哋就又再行過，仲影咗少少日落相添~

 

大約行到 6:30PM，我哋就準備離開，但由於人太多，第一班船上唔到，要等多一班先得。一上船，彤彤就瞓咗了，一瞓就瞓咗成 2 個鐘，到我哋差唔多返到家中先起身~