Face Studio & Kidzworld Studio 影相 + 同公公婆婆提早慶祝母親節

二零一四年五月五日     星期一

 

今日特登請假，當然係安排咗節目啦，就係去 studio 影相喇，仲要唔只去一間，係上下午各去一間~

 

呢 2 輯相，都係免費的，係抽獎抽中咗的，但一定要平日去影，所以特登安排係同一日拍攝，費事要再請多一日假去影~

 

上午我哋先去 Sogo 樓上果間 Face Studio 影相，套餐包了 15 張相的檔案，同埋影 2 個場景，一個係白色底，另一個係花園景~

 

我哋由 11:30am 開始影，大約影咗 1個鐘頭 15 分鐘，其間有影到親子裝，又有彤彤自己的單人照，約咗 20/5 去揀相，希望到時唔會大出血啦~

 

之後我哋就去食 lunch，再搭車去太古，由於時間尚早，所以就係 Aeon 行咗一陣，先去 Kidzworld Studio~

 

呢個套餐包了 1 個 slideshow 檔案，同埋一張 8R 相，就唔包任何檔案，只得一個白色背景，另外都有提供一 d 道具用來影相~

 

呢度大約影咗 2 個鐘，彤彤換衫都換咗 4-5 套，當然我哋都有著返親子裝來影~

 

約咗 31/5 去揀相，但感覺影得麻麻，不過都係果句，希望到時唔會大出血啦~

 

影完相，彤彤一上 BB 車就瞓了，而我哋就返咗我父母家先~

 

 

 

等彤彤瞓醒後，就同佢沖涼，之後就出去食飯，提早慶祝母親節~

 

 

隻為食豬一有嘢食，就勁開心，又笑晒口咁~

 

 

 

 

 

 

 

 

 

 

睇下你笑得幾奸，笑到見牙唔見眼~