百家寶 BB 展 + 21st Lesson @ Kiddo Zone + 慶祝彤彤歲半生日 & 母親節

二零一四年五月十日     星期六

 

今日一早我哋就帶彤彤出街，因為之前幫彤彤報名參加咗百家寶 BB 展的推車大賽，今日就要係 10 點前入場報到~

 

我哋大約 9:45am 到咗會展，就係會展樓下間茶餐廳食咗早餐先再上去報到~

 

報到後，大約等到 11 點先開始叫第一組小朋友出場比賽，而彤彤被安排係第 8 組，即係仲要再等下，點知彤彤開始扭眼瞓，要我哋抱，咁老公就抱住佢，等佢可以瞓一陣，但佢又唔肯瞓 wor，真係比佢激 c~

 

 

係眼瞓嘅情況下出賽，結果當然係...... 去到終點位只係一步都唔肯推埋去，就係咁就輸了~

 

比賽完後，我哋一放彤彤上孭帶，佢就 9 秒 9 瞓著了~

 

之後我哋就行下個 BB 展，真係無乜嘢好買，唯一買到的係 Potty，呢度買有 75 折，仲平過係 Aeon 有折時買~

 

 

正當我哋行完成個場，打算離開時，彤彤就瞓醒了，所以我哋就比佢係呢個小小遊戲樂園都玩一陣~

 

 

 

 

 

大約比彤彤玩咗 20 分鐘度，我哋就離開了，因為要去食 Lunch 先，再彤彤返 Playgroup~

 

今日又係 Mr. Daniel 帶上堂，唱的歌仔有 Goodafter Song, Hello Hello Song, Where is pointer, How is the weather, Bingo, Days of the weeks, etc.

 

由於今朝黃雨的關係，好多小朋友今日都請假，所以今日只得彤彤同另一位小朋友上堂，Mr. Daniel 見人小小，仲比埋另一位小朋友的 Daddy & 家姐入來一齊堂添~

 

 

 

 

 

 

今日可能人少的關係，彤彤今日上堂時勁嘆，成日瞓係 Playmat 上面 look 來 look 去~

 

 

 

因為明天係母親節，今日 Mr. Daniel 要小朋友做一份禮物比母親，下面呢個就係彤彤做比我的母親節禮物 (雖然大部份都係我做)~

 

 

咁岩今日係彤彤歲半大，明天又係母親節，所以我哋買咗個蛋糕仔，晚上同彤彤一齊慶祝，彤彤仲食咗好多蛋糕添~