Ocean Park (20140323)

二零一四年三月廿三日     星期日

 

又隔咗 2 個月無去過海洋公園了，見今日早起床，所以今日又帶彤彤入去玩下，今次亦係彤彤識行之後第一次嚟海洋公園~

 

 

 

 

 

 

 

我哋今日 1 點未夠就入到去，係海洋奇觀門外，有個小丑哥哥係度扭波波比小朋友，所以我哋又同彤彤去排隊拎返個~ 前面果位小朋友，因為今日係佢生日，所以小丑哥哥扭咗個大花花比佢，度彤彤時，可能小丑哥哥諗住佢細個，所以扭咗一朵小花花比佢，點知彤彤見唔同之前果個花花，竟然推後佢唔要，ha ha~

 

之後我哋去睇下上山嘅纜車多唔多人，出奇地今日竟然唔排隊，所以就帶彤彤坐纜車上山，有得坐纜車，彤彤開心，又四圍望。

 

 

 

 

 

 

 

 

 

 

 

 

 

 

 

 

 

 

 

 

 

 

 

上到山後，就帶彤彤睇佢鍾意睇嘅海獅，彤彤一見 d 海獅就手指指，仲好開心咁大笑添~

 

 

 

 

 

 

 

 

 

 

之後我哋去睇埋企鵝，彤彤又係開心地手指指，又係咁係度笑~

 

 

 

 

 

 

 

 

 

我哋大約 4 點落返山，點知好多國內旅行團而家先入地，所以山下囓威威樂園同埋海洋奇觀都勁多人，我哋都費事同人迫，所以就離開了，彤彤一上孭帶就即時瞓咗了~

 

 

 

之後我哋搭咗 107 過去 MegaBox 行街，行到 7 點就離開，返去我父母家食飯~