扮嘢王彤彤 + 金句錄 (1)

呢排彤彤開始學講嘢，又鍾意模仿人哋的聲音同埋動作~

 

好似婆婆有時想咳2 下清一清喉嚨，彤彤聽到其他人咳，佢又會扮咳埋一份~

 

又好似婆婆有時腳痛，用手拍下痛嘅位置，彤彤有時自己坐係度無聊時，又會學婆婆咁拍下隻腳~

 

除咗呢 2 樣之外，彤彤近排好鍾意指住人，之後係度講 bb 話~

 

講完扮嘢之後，又講下平時彤彤最鍾意講的嘢，就係「乜嘢事?」我哋都唔明點解佢會成日講呢句說話，我哋又唔係成日係佢面對講，點解佢會學識講嫁呢?

 

近呢 2 日仲開始自問先答：「乜嘢事.....無事....」，又或者係：「乜嘢事.....唔關你事....」，比人聽到以為係我哋大人教佢咁講，好似好無禮貌咁，真係比佢激 c 我喇~

 

有時彤彤周圍亂行撞到頭，我哋問佢痛唔痛? 佢會話我哋：「痛 」，但佢又唔喊嫁 wor，都唔知佢係唔係真係明白「痛」嘅意思~

 

同樣地，佢周圍亂行撞到頭，我哋問佢有乜事，佢會答我哋：「無事」嫁 wor，ha ha......

 

另外，仲有一樣就係，好多時彤彤都會周圍亂行，又周圍拎 d 物件出來攪下咁，有時我哋會同佢講「唔得」 / 「唔攪得」，佢又會答我哋：「得」，之後繼續攪，真係比佢激 c 人~