拜山日 + 閒遊荃灣

二零一四年三月二日     星期日

 

由於我嫲嫲係上年尾去世，所以今年唔可以係清明的時候去拜山，要提早一個月去拜 (什麼新山不過舍)，所以今日就同一班親戚去拜山了~

 

我哋大約 11 點就到達，大約 12 點就離開，去荃灣一齊飲茶，之後我哋就自己去行街，親戚們同我父母就去二叔家開枱聯誼~

 

我哋帶咗彤彤去行下 Aeon 先，見唔係好多人，所以拖住佢行下先~

 

 

 

 

彤彤行到攰，老公就會抱住佢行一陣先，到佢想落地再行，先再拖過佢行~

 

 

其實由尋日係 Playgroup 突然自己行咗十幾步之後，彤彤開始行得好咗，不過仲唔係好穩，行幾步都會跌一跌咁，要再訓練多 d 先得~

 

咁岩係 Aeon 見到有一個有學行帶嘅背囊仔，有 2 款的，分別係 Kitty 同埋 Melody，其實係想買 Kitty 的，因為彤彤鍾意 Kitty ，但 Kitty 果款唔太靚，同埋 Melody 果款隻色靚 d，所以我哋買咗 Melody 果款比佢~

 

 

未買前，職員比彤彤試下，佢好鍾意呀，除咗落來去比錢時，佢以為唔比佢用，佢仲係度發脾氣添，所以我比完錢就即刻返來拎貨，即刻比佢用~

 

 

 

有咗呢個背囊，就可以唔拖住彤彤行，等佢自己試下行，又唔駛驚會走失同埋跌到，因為佢一想跌，我哋就可以拉條帶扯返起佢~