彤彤 6-7m 嘅生活片段

6 個月大的彤彤，唔需要有嘢挨住，都可以自己坐係度，但有時坐坐下會瞓低咗~

可能吽牙仔關係，一見到嘢就想放入口咬，仲成日食手指，有時一路食手指，仲會係度叫媽咪，同埋好似好辛苦咁叫哎呀.... 可能佢D牙肉好痛呢~

除咗食手指外，彤彤近排鍾意玩口水，成日用口水 "bu" 人，我同公公都試過餵奶時，比佢 "bu" 到成面都係奶@@

呢個月開始試比粥仔彤彤食，但佢唔鍾意食，食糊仔反而幾鍾意食，可能佢鍾意食有奶味嘅食物多D~

仲有一樣嘢，就係我哋發現彤彤係 Hello Kitty Fans，見到 Kitty 個樣會勁開心，試過行 H&M 時，見到 Kitty 衫，係度係咁笑，仲用手捉住唔放，結果 Daddy 就買咗套衫送比彤彤；又試過行 Living Plaza，見到 Kitty 的用品，又係咁係度笑，最後我買咗 2 條 Kitty 嘅手巾仔比佢玩~

22 May 2013 終於學識反身後，再反返過來，仲連試咗幾次添~

9 June 2013 叫咗好多次 Daddy，氹到 Daddy 好開心呢~

第一次用 Pognae Hipseat, 彤彤好似坐得幾舒服 wor~

坐住婆婆大脾上，好神氣呢~

話咁快彤彤就半歲大喇，今日(11 May 2013) 為彤彤補祝半歲生日及慶祝母親節~

彤彤，Daddy & Mami 祝你快高長大，聰明伶俐，聽教聽話，健健康康，快快樂樂~

自從學識反身後，而家勁鍾意扒係度瞓教@@

母親節嘅早上，我準備好出門口喇~ 祝大家母親節快樂!~

彤彤：有媽咪陪我一齊瞓真好~

今日(16 May 2013)彤彤打完6個月果3枝針，晚上體溫升高咗d (37.2度)~
雖然暫時佢仲好精神，又玩得幾開心咁，但安全起見都係幫佢貼定塊退熱貼先~

試戴黑超~

彤彤：e..... 媽咪個手袋係度嘅?

彤彤：等我睇下裡面有乜先~

彤彤：哎喲，比媽咪發現咗添~

彤彤：媽咪我冇心嫁，唔好嬲我啦~

食住手仔瞓著咗@@

天氣勁熱勁焗，好彩有夾埋把風扇仔出街~

第一次食雞蛋布丁，彤彤好鍾意食，一樽食剩少少，再飲多5安奶先夠飽~

扭計中.....

扭完計又係度笑~

有人成日掛住食手手，比媽咪捉住對手仔，所以面露不悅~

我係青蛙小王子~

彤彤：Mami好衰嫁，人哋沖緊涼仲走來影相!!!

好肥美嘅大腿~

唔肯食粥，要一個餵，一個用公仔氹先肯食~

一路玩住一路食，食得幾開心~

笑住食粥粥~

點知食食下瞓著咗@@

彤彤睇緊乜咁留心呢?

仲越睇越側晒身添~

咪就係睇緊法國網球公開賽 - Federer 第一輪嘅比賽 lor，估唔到人仔細細都鍾意睇網球~

仲越睇越開心，笑到咔咔聲添~

彤彤：嘩⋯呢球好緊張呀~

彤彤：費叔叔睇來都係 easy win，悶⋯

彤彤由出世到而家，瞓教時，對腳板仔都鍾意咁樣合埋來瞓，唔通咁樣好瞓d??

呢隻爛瞓豬，瞓到塊面珠仔都有痕~

彤彤，你係女仔嚟嫁，點解坐得咁粗魯嫁?

又睇 French Open，今次睇貝迪冶vs蒙菲斯，緊張到要坐直條腰睇(因為挨係度睇會比 High Chair 條邊遮住咗少少)~

岩岩瞓醒，前面d頭髮豎起晒，ha ha....

大字型咁瞓，仲左碌右碌，攪到我成日瞓瞓下，比彤彤一腳伸埋來整醒@@

晨早起床，打返個呵欠先~

見到我影佢相，再對我笑一笑~

之後就自己玩腳仔唔理我了~

近排鍾意咁瞓~

彤彤，你睇住 Daddy & Mami 食飯都咁開心嘅?

駛唔駛咁專心睇Daddy打機呀?!

第一次同Daddy玩騎馬仔~

Daddy & Mami 食 mum mum，等我瞓返陣先~

彤彤第一次剪頭髮，由公公操刀，只係剪短少少耳仔對上d頭髮，未剪前因為太長，有風吹過會篤到眼睛，所以要剪短少少~

第一次用軟管嘅學習杯飲水水，竟然一試就識，叻叻!~

彤彤：蟲蟲，我一起床就掛住你喇，比我咀返啖先啦~

Daddy & Mami 開餐，我又係時候瞓一陣先~

彤彤：媽咪點玩嫁?

表情多多~

H&M Shopping~

古靈精怪~

瞓教都要捉實 Pooh Pooh~

望實婆婆開奶奶，準備開餐~

有人一路望住 Daddy 飲湯，一路流口水想食埋一份~

彤彤：媽咪幫我執好一陣影相嘅嘢喇，準備出發~