婆婆白內障手術 & 親子假期

二零一四年十月十六日      星期四

 

婆婆的白內障手術終於排到喇，就係今朝早上係將軍澳醫院做，所以我一早就起床，帶彤彤過去公公婆婆家先~

 

之後就由公公照顧住彤彤先，我就同婆婆搭的士去將軍澳醫院辦入院手續~

 

準時 9 點前就辦好手續到達伍白嘉寧白內障中心報到，之後就幫我媽著上手術袍及換上拖鞋，然後我媽就到入去手術區等候，而我就只能坐係外面等候~

 

 

 

 

大約 11:00 就輪到我媽入手術室做手術了，11:50 就見佢行返出來手術等候區，要坐大約 30 分鐘，比姑娘觀察下，無事先可以出院~

 

大約 12:15 姑娘就叫我入去，一齊聽出院指引，同埋手術後的護理，之後就可以去辦出院手續同埋拎藥，然後就搭的士回家~

 

回家後，我就落樓買 lunch 同埋醫生膠紙，就上返樓一齊食飯 lu~

 

之後公公就陪婆婆係家中休息下，而我就帶彤彤去圖書館睇下書~

 

 

 

 

 

 

 

 

 

 

睇書睇咗半個鐘，彤彤開始有 d 悶，我就帶佢出去圖書館隔離的公園仔玩下，成個公園只得我哋 2 母女咋，爽呀!~

 

 

玩咗半個鐘度，就有班學生來了，應該係岩岩放學，見開始人多，我就帶彤彤回公公婆婆家，費事佢比人撞到~

 

 

 

 

 

 

 

 

二零一四年十月十七日      星期五

 

今日下午要同婆婆返醫院拆紗布，所以早上可以瞓晏少少先起床，之後就帶彤彤過去公公婆婆家中，先係家中食飯先，再同婆婆搭的士去將軍澳醫院，而公公就留係家中照顧彤彤~

 

我哋 1:15PM 就到達，之後就拆紗布，再排住隊做一系列的檢查，最後就見埋醫生，比醫生睇下個傷口埋得好唔好，醫生就手續好成功，叫我哋下星期再返來覆診就得~

 

全個過程大約 1 個鐘多少少，我哋返到家中都唔駛 3 點，真係怏~