澳門行 2014 - 籌備篇

其實一直都想帶彤彤去下旅行，但又驚我哋攪唔掂彤彤，始終都係帶住一個 2 歲未夠的小朋友周圍去幾日，又唔可以返屋企張床瞓，所以就有咗帶彤彤去澳門玩幾日，睇下攪唔攪得掂的諗法喇!~

 

既然有此打算，就一於付之行動啦，先去各大旅行社拎 d 澳門 Package 的資料，再比較一下平貴，我哋的目標係去 3 日 2 夜，所以選擇唔係好多~

 

最後我哋揀咗中旅社的「澳門金沙城中心喜來登 3 日 2 夜體驗套票」，已包 2 位成日的來回船票及早餐，再送 2 張變形金鋼展的門票 (價值 $200) 及夢工場明星禮品包，仲有 $400 酒店消費現金卷，儲齊印仔 (行晒 3 個商場蓋印)，仲有另外一份神秘禮物。我哋將來回船票都 upgrade 去豪華位，另外再買了彤彤的來回豪華位的船票，再 upgrade 了其中一日的早餐做夢工場明星動畫早餐，成個套票洗費 $4552~

 

船票訂了 29/9 早上 10 點，及 1/10 晚上 8 點，所以應該都可以玩足 3 日 2 夜~

 

另外，今次的澳門行仲有另一個目的，就係慶祝我的生日同埋拍拖紀念日，所以我哋仲訂埋銀河酒店的群芳自助餐，訂位時講低係慶祝生日的，酒店會免費送上一個生日蛋糕~