我是怪獸家長嗎?

二零一四年九月廿七日      星期六

 

早 2 星期，已經幫彤彤同 Playgroup 果邊請定假，27/9 唔可以返 Playgroup，因為今日早上，我哋要去 4 個唔同的地方交幼稚園的申請表~

 

其實踏入 8 月中開始，陸陸續續都彤彤申請咗超過 20 間幼稚園，有屋企附近的屋村幼稚園，又有九龍塘的幼稚園，我都問過自己，駛唔駛報咁多間呢? 但一諗到如果無學校收彤彤咁點算呢? 因為彤彤係龍年出世，仲要係細囡，龍年競爭大，加上細囡的表現實無大 B 的表現咁好，真係有可能無學校收嫁 wor，所以有理無理，只要係有口碑，又唔太貴的 (我哋可負擔起的)，都會考慮幫彤彤申請~

 

結果今個星期六，因為要就星期六交表，所以 4 間迦南都係同日遞交，我就同老公兵分兩路，各去 2 間迦南交表，之後再係黃埔會合~

 

 

大約 11:30AM 就交齊晒，之後一齊去牛涮窩 Sabu，順便慶祝我哋拍拖 11 周年紀念~

 

 

 

 

 

 

 

之後我哋就回家先，幫彤彤沖涼洗頭，然後老公就去返學，我就係家中執行李 (因為過 2 日就會去澳門玩幾日)，彤彤一時就瞓係 sofa 睇書書，一時就走入個行李箱入面玩~