Halloween @ 大本型

二零一四年十月廿四日     星期五

 

今晚放工就去我父母家接彤彤，之後同埋老公一齊去油塘食飯，見到有 Halloween 的佈置，當然要同彤彤影下相啦!~

 

 

 

 

 

 

 

 

澳門行 2014 Day 1 Part 3 - Bene 意大利餐廳 & 夢工場明星巡遊

二零一四年九月廿九日      星期一 13:30 - 15:30

 

由於酒店的 Package 送了 $400 的餐飲卷，而我哋又唔想出去搵嘢食，所以就近近地，揀咗樓下呢間 Bene 意大利餐廳~

 

 

由於同行有小朋友，所以入坐時，職員就送咗份小禮物比彤彤，係一本填色冊，當然仲有幾枝顏色筆啦~

 

 

入坐後，我哋就比本書比彤彤睇，等佢唔好騷擾到其他人~

 

 

 

 

餐廳的環境好好，燈光有少少昏暗，營造一種浪漫氣氛，而且仲有意籍的侍應來招呼客人~

 

 

 

 

 

我哋叫了 2 份 set lunch，除了主菜自選一款外，餐前小食 / 湯 / 甜品都係自助形式的，另外仲送了一客意大利麵包及餅乾小食~

 

 

 

 

呢個主菜 - 煙肉磨菇闊條麵好好食呀，個汁又夠 creamy，但又唔太 "溜" 喉~

 

 

2 份 set lunch (@ $188)，連埋加一埋單 $413.6，即係用晒 $400 餐飲卷外，仲要補多少少錢，以酒店價錢同食物質素來講，算係幾低食的了~

 

食飽飽出來，準備行去搭穿梭巴士過舊金沙，岩岩遇著每日下午 3 點舉行的夢工場明星巡遊，所以我哋都睇埋先行去搭車了~

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

澳門行 2014 Day 1 Part 2 - 酒店篇

二零一四年九月廿九日      星期一 12:00 - 13:30

 

落咗穿梭巴士直入就係酒店大堂，但由於仲係辦理緊 Check-out ，暫唔可以辦 Check-in 住，職員話要等到 1:00PM 先可以 Check-in，所以呢半個鐘就係大堂等下，同彤彤四圍影下相就算，費事再行去第二度，因為拖住個行李箱比較麻煩嘛~

 

 

 

 

 

彤彤都等到有 d 悶，攪到有少少想瞓 lu~

 

 

 

 

 

 

 

見彤彤悶悶地，我就帶佢行開下，老公就係度睇住 d 行李~

 

 

 

 

未夠 1 點就可以 check-in 了，但 check-in 的過程比較慢，等咗成 20 分鐘先辦好手續，攪到我都有少少唔耐煩~

 

大約 1:30PM 終於上到房了，我哋的房號係 3061，出咗 lift 後要行一大斷路先去到房門口~

 

入到房，彤彤都已經急不及特要四圍巡視，又坐咗上去窗台上面玩~

 

 

 

 

 

之後仲係小 Sofa 上面嘆埋奶添~

 

 

 

我哋間房無乜 View 可言，只係對住地盤，不過住得高，都算幾開揚，唔會焗促~

 

 

 

 

我哋買 Package 時，同埋出發前，都要 Mark /email 比酒店知，我哋同行仲有一位 22 個月大的小朋友，所以要求安排無煙樓層，同埋雙人床房比我哋，同埋希望可以安排到 BB 床及 BB 浴盆，Check-in 時職員話BB 床及 BB 浴盆要晏少少先可以送上房，咁我哋都OK~

 

 

 

 

酒店的房間同埋浴室都算大，設備都好齊全~

 

 

 

 

 

 

每次出入，都要行一條好長的走廊，真係幾攰嫁~

 

 

 

Check-in 時，櫃台職員比咗張紙比我儲印仔，要去晒 3 個商場蓋印，之後就可以去換一個禮物盒~

 

 

 

個禮物盒內面有 d 手工紙 / 顏色筆 / 銀包仔~

 

 

 

另外，Check-in 時職員又比咗份 Welcome Gift 比我哋~

 

 

 

我哋出完街，晚上回來時，櫃門打開了，原來職員已經送上生日的驚喜 - 迷你芝士蛋糕，仲有生日卡~ (我哋 book 時有 Mark 低，呢次澳門行係慶祝生日的)

 

 

 

 

而彤彤張 BB 床都送咗入房了，但職員送漏了 BB 浴盆，不過我哋都無再要求佢吁送上來，因為其實彤彤企係度用花灑沖涼都 OK 的，所以我哋都費事麻煩酒店職員了~