Playgroup 初體驗

二零一三年七月六日     星期六


話說之前係 Groupon 見到 cwb 有間 Playgroup 做團購， $188 就有 3 堂，所以就當試堂咁買來比彤彤玩下~

呢間 Playgroup 叫 Kiddo Zone，我哋上到去，彤彤仲瞓緊教，Reception 位小姐就幫我哋登記，同埋介紹下今日個流程，佢幾 nice，又好禮貌，仲解釋得幾清楚添~

之後我哋就叫醒彤彤，準備上堂，彤彤比我整醒，有少少不滿咁喊咗幾聲，之後佢見到有其他BB係度等緊，果度有個 waiting area 又幾 colorful 咁，佢就開心返晒喇!~

過咗一陣，有位媽媽推住BB車入來，BB車上嘅BB有少少肥嘟嘟咁，彤彤一見到人家，仲係咁對住人哋係度笑，好似想識人咁，其他人仲話彤彤咁細個就想識男仔添@@

之後可以入課室，但一位BB只可以由一位家長陪同上課，所以老公只可以係 waiting area 度等，但佢可以係果度用 playgroup 提供嘅 iPad 睇到我哋上堂時嘅情況的~

原來今日原本果位老師病咗，由令一位老公代課，都一樣係外籍老師來的，上堂時係全英語的~



一開始，先來自我介紹 (當然係用家長代BB介紹自己啦)，我哋呢班有 5 位小朋友，3 男2女，全部都係 7 - 10 個月大的，之後就唱下歌仔，拋下豆袋，講下故事咁~

彤彤頭先就係對住呢位BB係咁笑喇!~

到最後果 15 分鐘，老師會拎 D 樂器出來，比BB自己拎住來玩，仲有D布造嘅小隧道，如果BB識爬就可以玩，但因為彤彤仲未識爬，所以就只好坐係度玩樂器，佢一樣玩得咁開心~

好快就過來 45 分鐘，總括來講都幾好呀，試埋另外果 2 堂，如果 OK 都可能會比彤彤繼續返落去~