彤彤攪到 Daddy 好尷尬

二零一三年七月五日     星期五

今晚放工後，如常地同老公返去我父母家接彤彤，見今日係星期五，所以我哋又過咗去油塘大本型行街食飯~

今晚等咗好耐先有小巴，等到無聊就影下彤彤，點解影出來，彤彤好似變身超級薩亞人咁嘅?! d頭髮又稀疏又豎起哂~ No good!~

之後過到去油糖，行咗一陣街，就去搵嘢食，原先諗住食十勝牛，點知好多人等位，之後我哋就轉去墾丁茶房，好彩等咗一陣就可以入去喇!~

入到去就叫嘢食，之後等食啦，就彤彤又發揮佢嘅好奇心同埋破壞能力，將枱上嘅餐紙全部變成癈紙，玩玩下仲丟埋落地下添，No good!~

好喇，D 食物來到，今次我哋無叫餐，全部散叫~

咁 Daddy 就抱住彤彤食飯，彤彤首先趁住 Daddy 唔為意，就一手捉住 Daddy 隻碗，之後仲倒瀉埋碗麵，好彩剩返少少，D 湯又得返少少，無倒到落彤彤 & Daddy 身上，但就要麻煩 Waiter 清潔枱面喇!~

咁之後我哋再繼續食埋餐飯，點知戲肉來了，彤彤竟然係呢個時候poo poo，由於份量太多 (佢呢2日因為出牙仔關係，便便次數比較多)，竟然係片片嘅邊緣流了出來，仲流咗落 Daddy 嘅大脾上 (因為當時 Daddy 抱住佢)，Daddy 條褲上面一大撻 poo poo，Oh my god!~


呢個時候真係唔知點算好，老公叫我冷靜 D 諗下點處理先，我諗咗一陣，就諗到了~

我先去埋單，老公抱彤彤出外等我，我埋單後再拎晒所有嘢，然後即刻去搭的士 (有小巴都費事搭了)，好彩等咗一陣就有的士，唔駛 10 分鐘就回到家中，之後就幫彤彤清潔，再同佢洗白白，之後就比老公沖涼先，我再要洗埋彤彤 & 老公 D 污穢衫，真係做 c 人呀!~