Easter 長假期第二天 - 一家人齊齊遊濕地公園

二零一五年四月四日      星期六

 

今日係 Easter 長假期嘅第二天，亦係兒童節，祝各位小朋友天天都咁開心快樂，日日都係兒童節~

 

係兒童節呢日，我哋約埋表哥仔一家，仲有老爺奶奶，同埋細姑仔，一齊去濕地公園玩下~

 

 

我哋大約 2 點就嚟到，今日天氣好熱，仲好曬添@@ 估唔到今日好多人嚟濕地公園呀，排隊買飛都要排差唔多半個鐘~

 

 

 

 

入場後有個 Area 係有冷氣的，當然係度休息一陣先開始行啦~ 仲有一 d 熱帶魚睇添~

 

 

 

休息完，就出發喇~ 先去探下貝貝先，嘩... 貝貝大條咗好多下 wor~

 

 

 

 

有鱷魚睇，彤彤好開心呀~

 

 

 

 

天氣真係好熱呀，表哥仔熱到無晒心機咁樣~

 

 

 

睇完貝貝，我哋就開始行喇~

 

 

 

 

 

 

 

 

行到河邊，搵咗個外國人幫手影大合照，點知影咗 2 張，彤彤都無望鏡頭，所以都唔 post 出嚟喇~

 

影大合照時，彤彤無望鏡頭，所以我哋自己再影咗幾張補返數~

 

 

 

 

 

 

 

 

 

 

 

 

行行下，見沿路嘅花花草草都好靚，一時手痕就影下先~

 

 

 

 

 

 

行行下，仲比我見到有隻蝴蝶係葉上休息緊，當然要影下啦~

 

 

 

都行咗一段路，所以 2 位小朋友同埋老人家都要坐下休息下，表哥仔仲係熱到無乜心機，相反彤彤又 ok wor~

 

 

 

休息完，就行入去紅樹林喇~

 

彤彤睇緊乜呢?

 

 

 

 

 

就係呢 d 魚同埋旁蟹喇!~

 

 

 

 

 

紅機林入面，仲有一個地方叫蝴蝶園的，但蝴蝶嘅數量唔多，只係得好少~

 

 

 

 

行埋蝴蝶園，我哋就回程，行返出去出口果邊~

 

 

 

 

 

 

見仲有小小時間，就比彤彤係 Playright 的兒童樂園玩一陣先，表哥仔就去咗另一邊玩~

 

 

 

 

我哋大約玩咗 15 分鐘就入返室內休息下先，表哥仔就繼續玩多陣，我哋就涼住冷氣等佢啦~

 

 

 

 

臨走前，行埋禮品店，買咗包動物夾仔同枝貝殼筆~

 

 

離開濕地公園後，牆有幅璧畫，所以就叫 2 位小朋友行埋去影下相先~

 

 

 

 

 

 

之後就離開呢度，行去搭車返官塘~

 

我哋係 APM 嘅王家沙 Book 咗位食飯，一家人食埋飯先回家，仲係 APM 度影咗一陣相添~