清明節掃墓 @ 圓玄學院

二零一五年四月廿六日     星期日

 

今日約好一大班親戚去圓玄學院拜我嘅爺爺嫲嫲，原先約咗 10 點半的，但我哋因為同埋公公婆婆去飲早茶先，所以就比原定時間早咗半個鐘到~

 

好彩我哋早咗，唔係就要公公婆婆同埋彤彤行大斜路上山 lu~

 

因為唔知做乜，10:15 後開始好多私家車，但圓玄學院嘅車位又滿晒，所以 d 排隊等車位嘅私家車，就塞晒成條上山嘅路，變相其他車都上唔到山 (因為係單線行車的)，其他親戚們都要係山腳落車行上山，個個都行到面都紅晒，到等齊人都差唔多 11:30 了~

 

而係等其他親戚呢後時間，我哋就帶彤彤周圍行下，又睇下 d 魚池咁，而公公婆婆就係陰涼嘅地方坐下~

 

 

 

 

 

 

 

 

 

 

拜完山後，一大班人就去飲茶兼食飯~

 

 

之後親戚們就去其中一位親戚家中打麻雀，而我哋就係荃灣行一陣街，先再回家~

 

 

 

 

 

 

 

 

給彤彤的意外驚喜 - 接放學

二零一五年四月廿日     星期一

 

今日起床時，有點唔舒服，所以請了假，老公就帶彤彤過去公公婆婆家，而我就繼續係屋企瞓下先~

 

瞓到差唔多 12 點先起身，原先諗住下午去返工的，但仍然覺得有點頭赤赤，所以就放埋下午~

 

食飽飯，又再瞓多陣，就同公公一齊去接彤彤放學，彤彤見到係我嚟接放學勁開心，回到公公婆婆家仲係好開心咁跳舞，睇嚟我要多 d 去接下放學先得！~

 

 

 

 

 

 

 

 

沙田公園

二零一五年四月十九日     星期日

 

今日天氣好好呀，好適合帶彤彤去公園放下電，所以就決定帶佢去沙田公園玩下~

 

係屋企樓下有直接車去到沙田，仲要係特快線添，所以 20 分鐘就去到喇~

 

估唔到沙田又多人返呀，我哋去沙田市廣場，直情多人到爆，都唔想留係度多一秒鐘呀，所以就快步離開，再慢慢行過去沙田公園~

 

途經沙田大會堂，彤彤見到有班小朋友係度玩緊 Bubble ，佢又老實唔客氣走埋去玩埋一份，我哋就比佢係度玩咗 5 分鐘度，就繼續行過去沙田公園~

 

 

 

 

 

 

 一入沙田公園，就有呢個半球體藝術擺設 (因為呢度攪緊藝術節)，之後就有個噴水池~

 

 

 

 

 

 

之後我哋行過去瀝源橋果邊，果度都掛咗一 d 藝術色彩的布係度~

 

 

 

 

 

 

 

 

 

 

 

 

 

行完瀝源橋，我哋又行返入去沙田公園，穿過花園，就去到兒童遊樂場喇，可以比彤彤慢慢放下電，而且呢度仲要好少人，唔怕彤彤比人撞到~

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

放完電，我哋就入返沙田市廣場，行咗一陣街，我哋就搭車返去公公婆婆家食飯 lu~